يا امهات مين يضرب اولاده وليش وهل في الضرب نتيجه ارجوكم جاوبو

السلام عليكم ورحمته الله انا الحمدلله ربي رزقني بنت بعد فترة حرمان وذحين ربي يحفظها عمرها سنتين وشهر حركتها كثيره ما تجلس مرة رحنا شالهات ودق الباب طلبنا اكل وفتحت بس شافت الباب فتح وتخرج وتجري تجري انا وقفت مكاني مو عارفه اش اسوي وتسمعني وتطنش ولبست عبايتي واروح زي المجنونه وراها تخيلو دخلت شاليه ناس كانو فاتحين بابهم ويشربون معسل لولا لطف ربي كان احترقت اخذتها ودخلت الشاليه حقنا وضربتها وابوها كان في الحمام الله يكرمكم وجلس يعصب ليش تمدين ايدك عليها انتي قاسيه وذا الكلام البايخ انا فهمته كم مرة ما ينتقدني قدامها كذا يقوي راسها بس لاحياة لمن تنادي عصبت جدا هل مالي حق امد يدي عليها لانها باقي صغيرة بس هيا في رقبتي لو صار لها شي والله محتارة مرة امكن لانها اول بيبي مو عارفه اتعامل معاها انا بيني وبين نفسي احس بتانيب ضمير بس عمري ما قد ضربها قدام احد وهيا استغلت ذا الشي وصارت تضربني صح انه ضرب اطفال بس زودتها مرة كنت عند الوالدة ومالبيت طلبها راحت ضربت ابويا😧وهو مندمج مع الاخبار والله جلس يضحك بس ابغى احد يقولي انا صح ولا خطا كيف انتصرف معاها وامتص غضبها

9 تعليق 1,480 مشاهدة

شاركي في النقاش

سجلي الدخول لإضافة تعليق.

التعليقات

9
  1. طفل تربيته من اول ما تفتح عيونه تاخرتي كثير و توعدت على اشياء من يومها ترضع..الله يعينس بالنسبه للضرب في اضيق الحالات غير افضل اسلوب الحرمان
  2. @shaary_ashkr

    صاحبة الموضوع
    هلا اختي احتياج حنان ما فهمت من كلامك اش النقطه الي تبغي توصليها لي بنتي عمرها سنتين كيف تبغي افهمها انها ما تطلع او ان هذا الشي خطر عليها في هذا السن ما تستوعب احس
  3. طيب انتي قلتيها عمرها سنتين هل ب أعتقادك لما ضربتيها فهمت السبب ؟!!

    الضرب يولد حاجتين ضعف بالشخصية و العناد ..

    وترا الطفل بعمر سنتين يفهم كلميها عن الغلط الي سوته وانتي تطالعين بعيونها ومستوى راسها بمستوى راسك وبأسلوب بسيط ..

    اسلوب الضرب غلط غلط يا أمهات الي يبي طفل مهزوز يضربه ..

    احتوي بنتك وحسسيها بحبك وحنانك و احتضنيها كثير ودايما تكلمي معاها عشان تفتحي عقلها اكثر و امسكي نفسك عند الغضب بالعقاب بكرسي العقاب او الحرمان ولاتقولي باقي صغيرة الحين بسم الله عليها عمرها سنتين وراح يكون عندها نظام تمشي عليه ومنها تعرف الصح من الغلط كمان ..
  4. احتويها وتكلمى معها اذا ماجاوبتك ارفعى صوتك وراح ترد وتعرف الغلط اسئل الله ان ينبتها المنبت الصالح حوبيها ليه ..موفقه ..♡
  5. @shaary_ashkr

    صاحبة الموضوع
    ربي يسعدكم والله خففتو عني يا صبايا انا ما اعرف اسس صحيحه في التربيه وخوفي عليها يخليني افقد اعصابي تجهها ربي يخليكم اي نصيحه قولوها حتى لو في نظركم صغيرة ممكن تنقذني من تانيب الضمير الي انا فيه

تابعي تجارب أخرى من هذا القسم.