فرن كهربائي كامل جنرال الكتريك

الله يوفقك
رفع

اللي رفعو الموضوع الله يرفع قدركم
الف شكر

العادي الحلزوني افضل ويتحمل اكثر
انا حقتي جنرال الكتريك نفس الصوره الثانيه حلزوني وماشاءالله كارف معاي 9 سنين والطبخ كل شي يضبط فيه
زوجه اخوي اشترت النوع الاول برضو جنرال قبل سنه وشوي تقريبا تشتكي منه النار تعلى وتوطى وفجأه لقت السطح حقته مكسور كسر كبير وتصليحه يكلف
حسيته مو عملي بس مجرد شكل وتنظيفه سهل

يسلمو اختي دانا
ان شاءالله اني اشتري مثل حقك يعطيك العافيه

واالله انصحكم وبقوه بجنرال الكتريك شاريته من شي شهرين ابيض سيراميك اسود اربع عيون وحده تحميه العيون الكبيره تقدرين تحطين عليها مقاسين قدور الفرن جميل ما شاء الله تبارك الرحمن ما يحتاج توصيل ثلاثه فاز بس خط ميتين وعشرين فيش مكيف الي هو يجي سته ملم اما الافياش العاديه ما تنفع لان ضغطها بس اربعه من ناحية التنظيف سهل ومريح بس ارش عليه بخاخ كلور الي مكتوب عليه رقم الظاهر 409 مو متاكده او جف البخاخ اتركه شي عشر دقايق وامسحه بفوطه رطبه لين اتاكد ان معاد فيه اثر للبخاخ ثمن امسح بفوطه جافه بس اذا فيه اثر حرق وشي منكب عليه احط جف الجل الاصفر اخليه وقت كمان ثمن افركه بوجه الاسنفنجه الناعم مو السلك انتبهو وخلاص بس نادرا ما تصير لي لانو احرص انو ما ينسكب عليه شي فيه تنظيف ذاتي للفرن من جواء وتنظيف بالبخار بس لسى ماجربتهم
ومن ناحية انو يتحمل اشياء ثقيله ما ادري لانو احنا مو كثيرين كلنا ثلاثه فا بالكثير دجاجه اثقل شي احطه عليه وكمان من ناحية الفحم ما حطيته عليه ولا ممكن اجازف بس سمعت انه يضره وسالفة الشيره سبق وانكب عليه بس قطرات ولا تضرر الحمد لله وكمان مره صلصه ولا جاه شي وكم مره قهوه فارة عليه بس ما شاء الله ما تضرر ابدن اما الي بتقولي صرف بقولك ما اقدر افيدك لانو مو من زود طبخنا ولا يجينا ضيوف دايم فما ما عليه ضغط وبس
صلى الله وسلم على نبينا محمد