بموت من طبع زوجي وطبعي الاقبح

السلام عليكم 
موضوعي اليوم ابيكم تساعدوني في حله 
انا ياناس فيني طبع اكرهه احسني غيوره بزياده من اي شي 
انا الحمدلله اعطي نفسي 80٪ جمال والناس يشهدون لي بهالشي
وزوجي بعد
المشكله مب هنا المشكله اني اغار من اي بنت لو هي اشين مني اقول لا هي احلى 
احسني موسوسه تجيني فترات اقول شعري قليل وشعرها كثيف هي انحف مني 
وصلت لمرحله حتى اخوات زوجي ادقق باشكالهم واقول هم احلى مني
يا جماعه انا مو حسوده والله دايم اقول ماشاءلله بس ابي اتخلص من هالطبع 😭


اذكر مره رحنا المول انا واخت زوجي وشرينا تي شيرت و يوم هي لبسته كرهته علي مع العلم ااني انحف منها وزوجي قال انه حلو علي وضيق على اخته بس كيذا انا حسيته حلو عليها وشين علي يخي الثقه موجوده بس غيره تعور القلب اكره هالطبع علموني شلون اغيره 😭😭


وطبع زوجي بقولكم عليه 
يحب يفرض نفسه علي وخواته مايقولهم شي
مثلاً انا  مره قلتله بروح عرس معين عيا وقال انه ماتعجبه هالعايله ومن البكرا اخته راحت وقلتله ليش تمنعني انا وهي لا!!
قام يصرف وان راحت غصباً عني 
وموقف ثاني مرا خلاني انهي علاقتي مع وحده يقول ماتعجبني تصرفاتها وهي صديقة اخته ولا منع اخته!


بنات مابي الا مساعدتكم كلام جارح وتهجم تكفون مابي 
ادري طبعي شين وغبي بس ماطرحت مشكلتي الا وانا محتاجه 

7 تعليق 2,439 مشاهدة

شاركي في النقاش

سجلي الدخول لإضافة تعليق.

التعليقات

7
  1. @tbaay_aaagb_zogy

    أولا انتي حاطه الجمال كل شي
    في نهاية المطاف بتعجزين وبيهج جمالك وانشغلي بشي ينفعك احسن من المقاراناات
    وزوجك هو حر لمنعك ورضا لاخته
    دام أبوها موجود ماله دخل يتكلم
    وسلامتك
  2. @miss_nana1

    كثري من دعاء ( اللهم لا تجعل في قلبي غلاً للذين آمنوا )
    ثاني شي : زوجك مسئول عنك انتي ماله اي سلطه ولا دخل على خواته عشان يمنعهم من شي ..
    وانتي اذا منعك من شي وانتي تبينه تفاهمي معه اعرفي الاسباب اللي خلته يمنعك واتفقوا على حل يرضيك ويرضيه ..
  3. @fhdh_al_aanzy

    انتي ماعندك ثقه بنفسك
    لازم تععزين ثقتك بنفسك وتومنين بجمالك ونفسك وجسمك وتحبينهم
    فعلا ممكن هي احلا منك بس مو شرط بكل شي يمكن معاملتك واخلاقك احلا
    لاطالعين بالشكل الخارجي
    ودعي ربي يحسن خلقك واخلاقك
    زوجك ويفرض سيطرته عليك كيفك
    وهو ماله دخل بخواته مو هو ابوهم ي حبيبتي
    يمكن امهم راضيه
    بس تركي المقارنات ولا تطلعين اشيائك وعيبوبك عند زوجك انو ذي احلا ذي انحف بكره يجلس يتنقدك
    انشغلي ب اشياء ثاني واهتمك بنفسك
  4. حلوه هذي يمنع أخته ماله دخل فيها يتحكم فيها هي حره اذا أبوها حي هو المسؤول عنها وهو ولي أمرها واذا متوفي هي حرة نفسها مابتقي الا هي تبينه يتحكم في إخته زي مايتحكم فيك

    ثاني شي تقولين عندك ثقه من كلامك ماشوف فيك ثقه ولا واحد بالميه اناي انسانه موقنوعه دايمن عينك ع اللي مع غيرك وهذا الشي يضرك اني وبس قولي الحمدلله ع نعمة الخلقه التامه

    أتمنى تسامحنيني اذا قسيتي عليك بس والله عانيت نفس الشي مع زوجة أخوي مقارنتها ماتنتههي معاي مو راضيه باللي أعطاها ربي من نعم تبي أخوي يعاملني زيها في الأشياء الشينه والزينه تبيها لها لحالها الله يهدي الجميع
  5. @shaary_ashkr

    السلام عليكم يالغاليه اولا طبيعي الغيرة بين الحريم بس الاهم الثقه في النفس يعني لازم انك تعرفي انك مميزة بصفات مو عند غيرك وهذا الشي راح يطمنك اذا شفتي وحدة حلوة قولي في نفسك هيا تتميز بصفات حلوة وانا اتميز بصفات حلوة وخذي نفس وخلاص انسي الموضوع البسي الي يناسبك ويناسب لونك وشكلك واتركي الناس لانه من راقب الناس مات هما
    ثانيا زوجك ماله سلطه على اخته يمنعها ولا لا بس يقدر يمنعك لاتقارني بين تعامله معاك وتعامله مع اخواته لان اخواته هو مو مسول عنهم بس هو يعتبر مسول عنك واكيد له نظرة لناس ويجب انك تحترمي وجه نظره

تابعي تجارب أخرى من هذا القسم.