شاركي في النقاش

سجلي الدخول لإضافة تعليق.

التعليقات

2,038
  1. @davincicode

    السلام عليكم و رحمة الله و بركاته

    بسم الله ما شاء الله، واضح اني دخلت على مناسبة حلوة

    الف مبروك لايمان و يتربى في عزكم ان شاء الله

    و شكرا يا دون على الاخبارية الحلوة دي و على كل حاجة. انتي فعلا انسانة كلك ذوق و دمك زي العسل

    دمتم بخير
  2. @davincicode

    الله يرحم شهداء حادثة القطارين امبارح. كل اللي قدروا يعملوه انهم اقالوا رئيس هيئة السكة الحديد و وقفوا نائبه عن العمل، بينما في دول تانية محترمة نفسها و شعبها الوزير و الحكومة كلها بتستقيل، لكن نقول ايه؟؟ ما هو الوزير اصلا عمره ما ركب قطار و لا عبارة و لا حتى تاكسي. لا حول و لا قوة الا بالله، ربنا لا تؤاخذنا بما فعله السفهاء منا

    بالنسبة للبنات اللي اتكلموا عن صعوبة القدرة في التعامل مع الازواج احيانا، هي المشكلة بتكون في اختلاف العادات و الطباع و اعتقد ان الحل ان الطرفين يؤمنوا ان مفيش واحد حيتغير على مزاج التاني، و بالتالي الطرفين يغضوا البصر عن عيوب الاخر لان استحالة نعيش مع شخص كله مميزات و احنا اخدنا الشيلة كلها بعيوبها و مميزاتها. اعتقد كمان ان الحل الامثل في الحالة دي هو اننا نعدي الامور و بلاش نقف نفكر عند كل موقف عشان الدنيا تمشي

    اما بالنسبة لصعوبة تنظيم الوقت، و دي تقريبا اتكلمت عنها نودي لانها واضح انها عروسة جديدة، هي فعلا ما شاء الله نصايح البنات كفت و وفت. انتي حاولي تنظمي وقتك و تخلصي شغل بيتك و مطبخك في الفترة اللي زوجك فيها في شغله. اما موضوع الشنط و الكركبة فده بيحصل في بداية اي حياة زوجية و بتاخدي وقت على ما تتعودي على اماكن الحاجة الجديدة و على رصة الدولاب الجديدة و خلافه. خديها تسليتك في الاوقات اللي بتقعدي فيها لوحدك بدل ما تحسي بالملل، و ربنا يعينك و يقويكي و الف مبروك الجواز

    ما تنسوش يا بنات نذكر الله دايما و نردد الاذكار و نفتكر دايما عند صعود السلالم او ركوب الاسانسير اننا نردد الله أكبر، و عند النزول نردد سبحان الله. و كمان عند ركوب اي مواصلة نقول: الحمد لله الذي سخر لنا هذا و ما كنا له مقرنين و انا الى ربنا لمنقلبون، الحمد لله الحمد لله الحمد لله، الله أكبر الله أكبر الله أكبر، سبحانك اللهم اني ظلمت نفسي فاغفر ذنوبي انه لا يغفر الذنوب الا أنت. و كمان أكثروا من الاستغفار و الدعاء في الايام المباركة دي

    دمتم بخير
  3. @noody30

    السلام عليكم و رحمة الله و بركاته

    صبااااااااااااااااااااااااااااااح الفل

    يا سلام على الاخبار الحلوة يا دندونة، الف الف مبروك لايمان و الف حمدا لله على رجوعها بالسلامة. بسم الله ما شاء الله، ربنا يخليهولك يا ايمان و يبارك لكم فيه

    دندونة، لسه والدة ايه يا شيخة؟؟!!!!! دي انتي بنتنا الصغيرة و اخر العنقود في الصفحة!!! >>>> حد عنده اي اعتراض على كلامي؟؟؟!!!

    يا سندريلا، حبكت النور يقطع يعني؟؟! يا بنتي انتي شايفانا مزنوقين عالاخر، الحقينا بدررك ياللا

    لولو، ربنا يكون في عون صاحبتك و يصبرها، على رأي دون دي حاجة تفرس، ربنا يهديلنا ازواجنا و يهدينا ليهم

    دافنشي كود، شكرا على كلامك و نصيحتك و جزاكي الله خيرا، ان شاء الله تعدي فترة التعود دي على خير و نتأقلم، مفيش حاجة بتيجي بالساهل

    رووني، وحشتيني اوي اوي و مبسوطة اني شفتك هنا في المضيفة، لسه الكاميرا في الانعاش يا رووني؟؟

    و الله كنت عاوزة اقولكم حاجة بس نسيت!! الزهايمر وصصصصصصصصل

    كل حبيباتي الموجودين و الغايبين، وحشتوني وحشتوني

    نلتقي بعد الفاصل
  4. @haya_2

    صباح الخير يا أجمل بنات
    ألف ألف ألف مبرووووووووووك لإيمان وصول عبودى أصغر بيبي هنا ويتربى في عزهم يا رب وبكون ابن بار صالح

تابعي تجارب أخرى من هذا القسم.