۩ﭏҖ ملـــف بنات و حريٌيم بوظبي الجزء1000 لوولﭏҖﭏ۩

سلااام للجميع

Om khalid
والله تولهنا عليج زووود .. يالغالية ماتشوفين شر :( .. سووي مثل ما قالت الغالية دريمز .. اقراي في ماي زمزم المعوذات وامسحيه على عيونج وان شاء الله خير .. واذا تم الويع مثل ما هو الغالية سيري المستشفى احسن .. ماتشوفين شر اختي ..


عاشقة الباطنة
اختي الغالية بكتبلج بالانجليزي الي اعرفه والي على بالي وان شاء الله بطرشلج رسالة خاصة ..


كليوبترا 76
الله يسلمج حبوبة .. وان شاء الله انتي بعد تسيرين وترجعين بالسلامة .. عاد الجو الحينه عجييب في فرنسا براااااد .. اممم الغالية انصحج تسيرين محل اسمه سيفورا .. وخذيلج من هناك عطور ومكياج الي يكون عندهم
Exclusive
واذا تحبين شنط الماركات .. انصحج تاخذين من هناك .. لانها تكون ارخص وينزل الكوليكشن قبلنا .. امممم ما انصحج بالملابس لانه اغلب الي عندهم هالفترة شتوي ..
واتروحين وترجعين بالسلامة


اشواق الغلا
العفوووو حبوبة .. واكيييد انتي وبنات الملف كلكن معزومات .. اممم بالنسبة للمدارس التوب في الانجليزي والمواد الثانية والي تكون مختلطة (بنات واولاد)
عندج مدرسة الشويفات (تأسيسها ممتاز .. سواء كان للانجليزي .. رياضيات .. والمواد الثانية .. امم درست فيها لين الثنوية)
عندج مدرسة الخبيرات ( نظام بريطاني .. الانجليزي عندهم واااايد ممتاز .. بس الرياضيات والمواد الثانية مب مركزين عليها كثر الانجليزي)
مدرسة الربيع (ممتازة وعلى مستوى الشويفات .. الفرق انه شويفات مدرسة كبيرة وعدد طلابها واايد ومدرسة قديمة جدا من اكثر من 180 سنة .. والربيع عدد طلابها اقل بوايد)
مدرسة ابوظبي الدولية (ممتازة للتأسيس .. الصفوف الابتدأئية بس)

واذا تبين مدارس خاصة للبنات ..
عندج اكاديمية زايد (نظام كندي .. تدريسهم حلو وراقي)
مدرسة الشهب (نظام بريطاني .. عدد الطالبات الي في المدرسة قليل بس تدريسها حلو )
مدرسة النهضة ( تدريسهم حلو .. وبعد في فرع ثاني للمدرسة للاولاد)
اممممم اتمنى اني قدرت افيدج .. واي معلومات ثانية انا حاضرة
:)

روضه فديتج خلاص رضيت اخر مره ازعل عليج

ام خالد روحي حق الحرمه خليها تتغسل في غسول وشربي منه اكيد عين وثاني مره يوم حد بيقولج هذا حلو عليج قوليلهم قولوا بارك الله لاتستحين

وروحي حق الدكتور لان الرمد منتشر
اخافه رمد

باقي الحلوات شحالكم

:(