اللي عندها عيال كيف تلقى وقت لنفسها؟؟؟

ربي يعينك ويعيننا يارب
شوفي انتي اول شيء لازم تضغطي على نفسك شويتين يعني اسبوع اكرفي نفسك وخلصي كل شغل البيت اللي مأجلته وابدئيزبعد ماتخلصي كل شغلك ابدئي من اول الاسبوع التاني رتبي نفسك دام اولادك بيروحو مدرسه اكيد بتصحي معاهم لاترجعي تنامي قومي افطري معاهم ورفعي الفطور خلي الصحون بلاستك عشان لاتتجمع عليكي صحون وكدا ولو سندوتشات بترتاحي اكثر واحسن من انك تعبي نواشف وكدا بس وبعدين يروحو بالسلامه علميهم يرتبو سريرهم اول مايصحو في الاسبوع الاول حتى لوبتقولي صغار علميهم على قدهم بعدين يرجعو يتعلمو بس اهم شيء يتعودو وانتي اقرءي صفحتين من القران وقومي خدي البخاخ والمنشفه ودوري على البيت مسحي اللي يبغالو تنظيف وبعده لو بيتك مكيت كنسيه لو سيراميك مسحيه ونظفي الحمامات الله يكرمك صدقيني اذا بيخرجو اولادك من 7 وتبدءي على طرل ماراح تسير 9الا انتي مخلصه لانو اساسا الاسبوع الارل رتبتي البيت وهادي يادوب بس تنظيف يومي عشان لايتراكم عليكي الشغل بعدها قرري ايش بتسوي غدا وخرجي الاغراض في المطبخ عشان لوفيه شيء مثلج يدوب ويفك من الثلج وبعدين اقعدي من ٩ لمن ١٠ اقعدي مع نفسك ايش تبغي تسوي سوي تقرءي وتشربي كافي او تبغي تنامي الساعه هادي اللي يناسبك سويه فيها
بعدين قومي من عشره ابدءي جهزي للغدا عشان على مهلك تكوني ماراح تسير ١٢الا انتي ان شاء الله خلصتي يسير خليه لاجو اولادك سخنيه اتغدو بالعافيه وعلى طول قومي رفعي الصحون وخليهم يساعدوكي اجباري مو على كيفهم واذا فوق ٧سنين يقوفو معاكي في المطبخ يساعدوكي حتى في التنظيف وبعده اقعدي ريحي لمن وذاكري لاولادك لمن ٥العصر ***** الله يكونو خلصو او بالكثير المغرب بعدها خلاص يكون باقي العشا برضو العشاء لازم يكون خفيف واذا حابه من برى اونواشف يعني لاتطبخي على العشاء زي الفطور
وصحون بلاستيك او مو مشكله لوحابه تستخدمي صحونك بس وترفعو العشا كلكم مع بعض وخلاص نظفي المطبخ وقفلي اللمبات يصلو العشا وينامو على طول وبعدها وقت فاضي ليكي اللبسي واتزبطي لزوجك ولنفسم واقعدي لمن بالكثير12 لازم تنامي عشان عندك تاني يوم نفس النظام
يوم الخميس يختلف النظام بعد مايرجعو من الدوام يتغدو وكل البيت ينام عشان تريحو ساعتين وتصحو وتقضو الويك اند يوم الجمعه او السبت اختاري اللي يناسبك يكون يوم راحه ليكي ماتطبخي ولاشغل ولامذاكره ولاشيء وبكدا ان شاء الله بتلاقي وقت

اتمنى تكوني استفدتي


اقدارنا مكتوبه فجدير بنا ان نمضي متوكلين❤️

الحل شغاله ... الكلام الباقي كله احلام يقظه
الشغاله بتشيل الغسيل والتنظيف والكوي وانتي عليكي من عيالك والطبخ بكذا بتلاقين وقت تهتمي في لبسك وثقافتك وزوجك

ما شاء الله حلو ان اولادك يروحوا المدرسة

الطبخ

اطبخي في يوم واحد طبخ يكفيك لاسبوع كامل حتى لو تعملي نص الطبخة و تكملي بعدين و انتي تطبخي زيتي شعرك و بعدها شور كامل


غسيل الملابس

خصصي يم واحد في الاسبوع لغسل الملابس و يوم لغسل الشراشف و الفوط و الكوي خلي كوي ملابس المدرسة يوم الجمعة بحيث تجهزي ملابس تكفيهم على الاقل لثلاث ايام لان اهم شي ملابس المدارس لاولادك تكون جاهزة و اشتري لك المطواة الكبس مريحة و تخلصي بسرعة


اجردي كل الملابس القديمة و أي شي ما تحتاجيه



لوازم البيت

خذي اغراضك بالجملة لان السوبرماركت ياخذ وقت و حتى لوازم الاولاد للمدرسة جهزيها لاسبوع كامل انا اجهز كل يوم جمعة لكل طفل كيس لحط فيه نوع بسكوت و زجاجة ماء و عصير و المصروف الصباح ازيد عليه فاكهه و ساندويش و بس



لوازمك الشخصية

اجردي كل لوازمك و تخلصي من أي شي مكركب او قديم و اكتبي قائمة بكل الي تحتاجيه ملابس مكياج عطور عبايات و كملي الي ناقصك و خلي كل شي مرتب بحيث لو جاتك مناسبة كل شي يكون جاهز عندك


و اهم شي علمي اطفالك يعتمدوا على انفسهم و يساعدوك

موضوع جميل