العازبات الثلاثينيات والأربعينيات

الله يوفقنا صرت أفكر بالوظيفة أكثر من الزواج ﻻن الوظيفة مضمونه الزواج مافيه ضمان الرجال علي أي شيء هالايام طالق

انا حاسة فيك والله وعندي خواتي ثنتين بالعشرينات خايفة عليهم من مصيري انا مافقدت الأمل ولا رح افقده بإذن الله .. بس جد شي يحير لمن تشوفين الكل ينخطب ويتزوج واحنا لا مع ان الحمدلله مو ناقصنا شي بالنهاية هذي حكمة الله وماندري وين فيه الخييرة ..الله يكتبلنا الخير ويرضينا بالقدر اياً كان..

رب إني لما أنزلت إلي من خير فقير

شواقه وين رابط التجمع ؟

انا عمري 30 بس بحسبه بالميلادي 29
المهم خواتي اول شي لازم مانهتم لكلام الناس لان كلامهم مايخلص حتى لو تزوجتي بيضلو يسألونك اذا حملتي والا لسى وحتى لما تحملي مابيخلوك لحالك لما تجيبي بنات بيقولوا ماتجيب الا بنات ليش مايتزوج عشان يجوا له اولاد وكذا هالحال بيستمر مافي شي بيخلي الناس ترضى عنك لازم تدور فيك عيب مع ان اللي فينا مش عيوب هي قضاء وقدر يعني الزواج مش بيدنا ومع ذلك يحاولون ينكدون عليك وكمان الانجاب مش بيدك بس للاسف هم عقولهم صغيره واحنا للاسف نزعل من هالعقليات اللي المفروض مانعطيهم اهتمام لا لهم ولا لكلامهم الماسخ.
خواتي بما انو احنا عارفين انو تأخر الزواج مش بيدنا فليش نزعل ونهتم ونيأس؟؟؟
احنا عارفين ان ربي مايأخر عنا شي الا لحكمه ورحمه يمكن لو حصلنا عليه في سن اصغر بيكون ضرر واذى واحنا ماندري ماغير نستعجل رزقنا وبعدين نندم..
لازم نحب انفسنا ونهتم بأنفسنا ونكون مقتنعين برأينا بأنفسنا ومحد يقدر يهز هالقناعه ابدا مهما تكلمو الناس نطنش لان تفكيرهم سطحي ليش نتعب انفسنا مع كذا عقليات!!
عيشو الحياه بحب وامل وسعاده وعيشو اللحظه وخلو عندكم يقين ان كل تإخيره فيها خيره وان ربي اذا كتب لنا بالزواج راح نتزوج لان هالشي بيد ربي واحنا متوكلين عليه فليش الزعل والحزن..
الله يرزقني واياكم ازواج صالحين طيبين يخافو الله فينا.