زوجي دائما يتذمر من مشاوير مدارس بناته مايبغى يودي ولا يجيب ع الطالعه والنازله يشكي
وانا اطلع قبلهم لان دوامي بيعيد شوي اقوم ٥،٣٠ ولا اطلع الا انا مجهزتهم وهو بس يقوم من نومه ويطلع يوديهم
ويردد انتي تطلعين قبلي ومنتي داريه عن احد وكل هاللي اسويه مايشوفه قسم بالله مليييييت من اسلوبه
ويردد انتي ماتقدري وانتي ماتشوفين تعبي وانا مقدره وضاغطه ع نفسي وحامل وارجع من الدوام ع المطبخ اسوي الغدا واللي مثلي المفروض ماتكثر الوقفه خصوصا اني بالشهور الاولى ولا اطلب منه يجيب غدا لاني مقدره المشاوير الظهر ومع ذلك انتي مااااااتقدرين مدري وش يبي بالضبط انقرفت منه ومليت انسااااان ممل
امس بالليل حسيت بصداع وقلت وانت راجع جب فيفادول وجابه والحين انفجر يقول انتي انانيه تدرين اني رايح جاي الصبح والظهر وتطلبين مني اجيب لك العلاج قلت وليش تجيب كان قلت لا قال انتي ماااارح تفهمين وضعي انتي انانيه انتي وانتي اكتب لكم وانا احس بنفجر من الضغط النفسي اللي عايشته كيف اتعامل معاه بالله عطوني اسلوب يربيه لاني وصلت حدي
شاركي في النقاش
سجلي الدخول لإضافة تعليق.
التعليقات
26- اسردي له قائمة اعمالك اللي تسويها في البيت وانك مصدر دخل
ابدي من اتفه شي الين الغداء والطبخ وكل ابو شي
اكيد اللي تسويه اكثر ييتضايق وينطم لان اعمالك اكثر
وبعدا اسكتي ولو بدأ ثاني بالاسطوانة ابتسمي او انشغلي بأي شي ما تدي له بال تطنيش وهو يمل
طبعا مايمنع من وقت للثاني تشكريه مهم الشكر والتقدير
انا طبقت الحركة هذي ونفعت معاي
بس الكلام اللي قلت لك عليه للمنان الحنان لو مزودها مررره
اما لو مش مرره منان يبي يحس بتقدير
يبي مديح ما يضرك امدحيه واشكريه - حااولي تقوليله انك كمان تتعبي وحطي مقارنة بين اللي تسوينه واللي يسويه قوليلة وش تبي اسوي لك اكثر من كذا اذا فيه ماراح اقصر بس لا تتحلطم وزيادة على كذا حامل وتعبانة الله يعينك ويسخر لك زوجك
- هو يبي تقدير و كلمة شكرا وجزاك الله خير وكثر خير و مثل هده الكلمات ببﻻش بس لها مفعول السحر قوليها بفرح و مع قبلة او حضن و الرسول قال من لم يشكر الناس لم يشكر الله ...ادري هو واجبه بس مثل ما انتي تحتاجي دعم وتفهم هو يحتاج تقدير
صدقيني كلمات بسيطة تحل المشكلة بس خليها على لسانك
الله يصلح لك الحال - يبي كلام حنان وتقدير وحب وكلام حلو
بس انتي مو فاهمته - رد رائع و ذكي و مختصر 👍👏
ربِّ ارحم والدي و اعف عنه و اغفر له
【 سبحان الله و بحمده ? سبحان الله العظيم 】
♡٠٠ أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ و أتوبُ إِلَيْه ٠٠♡
مواضيع مشابهة
تابعي تجارب أخرى من هذا القسم.