السلام عليكم
يابنات يمكن أول مره اظهرلكم بهذا التشاؤوم لأني ماحب الشكوى. لكن هالمره غير مابي اقلق احد من خواتي واهلي علي. قلت انتم هنا خواتي وتدعولي.
أنا مابي الموضوع ينقل لاني ابي خواتي الي يعرفوني هنا يدعولي اول بعدين انقلوه.
الحكايه ومافيها أنه تعبت ورحت المستشفى وانا مازلت بالثامن وقالولي فيه نسبة طلق خفيفه. وانا مرعوبه لاني ماجربت الطلق وفوق هذا كله انا دايم اتهرب من موعد السكان ماروحله بس مسكوني غصب وشافو وضع الجنين. يابنات يقول الدكتور حاله نادره ماقد شفتها الا من 20 سنه. يقول متصلب مره والامعاء تعبانه واحتمال كبير مايعيش كثير.
قلبي تحطمممممممم. كان عندي امل بأول سكان انه كذب مو حقيقي تشخيصهم بس هذا دكتور خبير وجاي زائر في تخصصي الرياض. لو شفتو متجمعين الدكاتره حولي يعلمهم ويشوفون عشانها حالها نادره.
مافي مراعاه بقلوب الدكاتره قلوبهم صارت حجر. يقول لازم تعرفين ان مشكلته خطيره وتعبان مشوه من الداخل. والله اعلم متى يموت بس مو واضح عليه انه بيعيش كثير. طبعا مايقدرون طبيعي يولدوي لانه متصلب.
بكيت وحمدت الله ع ماعطاني ورضيت بالقدر. لكن جايني الحين خوف من الولاده. يعني اول كنت اقول يجي البيبي وينسيني التعب وتعرفون فرحة المولود بالبيت. لكن الحين كل شي انتظره بيكون من اصعب ايام حياتي. مو عارفه اش اسوي كيف اقعد قلقانه من الحين لحد التاسع لانه مو واضح متى الولاده. ممكن الحين وممكن تعدي ع خير واولد ع التاسع. بس صعب والله من اصعب مامر علي.
دعواتكم القلبيه وبسجودكم ان الله يربط جأشي ويصبرنا انا وزوجي ويكون في عوننا ع الايام الجايه. ومن عندها خبره اذا الولد تعبان في الحضانه وطول كيف وضع الام وكيف اتعامل معه. وهل بيكون فيه حليب؟ موعارفه اش اسوي.
تايهه ومحطمه وبنفس الوقت ربي منزل علي السكينه والحمدالله.
شاركي في النقاش
سجلي الدخول لإضافة تعليق.
التعليقات
73- عفوا مابيعيش كثير حسب مو شايفين
- الله يصبرك ويعينك حبيبتي
الزمي الاستغفار والدعاء - الحمدالله على كل حال .في مامعنى الحديث..أمر المؤمن كله خير ..إن أصابته سراء شكر فكان خيرا له وإن أصابته ضراء صبر فكان خيرا له..الله يعوضك ادعي وتوكلي على الله وفوضي أمرك لله وتبي تنفرج عليك ان شاء الله..هذي الدنيا ماأحد مرتاح فيها
- الله يقومك بالسلامه ويرزقكك اياه معافى وسليما
- اختي كثري من الاستغفار والتزمي بالدعاء لا اله لا انت سبحانك اني كنت من الظالمين والله يفرجها عليج وما راح انساج من دعواتي
مواضيع مشابهة
تابعي تجارب أخرى من هذا القسم.