??? بيتنا الخامس??? مواليد السعاده شهر سبتمبر واكتوبر 2015

من ثلاثة ايام ارتحت من الوحام كثثثثثثير وحسيت بنشاط ،،،، وقررت اروح للدكتوره ،،، وزعلت علي أني وقفت ابره التثبيت ،، ورجعت كتبتلي ع حبوب التثبيت ٣ مرات باليوم ،،، والتحاميل مجبورة احطها ،، وطلعت المول وخذت جنزات وليجنزات للحمل من اتش اند ام روعه يا بنات لا تفوتكم مريحه بشكل خذت مقاسين ميديم ولارج بالمرا لانه ما أحب اروح وارجع بنفس المحل ،،، وبلوزه وتشرتات مقاسات كبيره ،،، وفصلت فساتين حمل للبيت ،،، وبعد لو شفت بجايم للحمل بأخذ ،،، زاد وزني من ٥٧ وصلت تقريبا ٦٤ ،، اشلون مدري 😳،، وبطني منتفخ ويبان علي الحمل من المشي لأَنِّي احس بالثقل مب طبيعي ،،، وملابسي كلها ضاقت علي وبجاماتي بالأخص ضاق علي ،،،

امس وأول امس تعبت تعب من الترجيع رجع علي الوحام بقوه ،،، واليوم اشوف نفسي احسن شوي وأقوم الصبح بدون غثيان ولله الحمد ،،،

وبعد سالت الدكتوره متى اخلص من الوحام نهائيا ،، طمنتني وقالت من اللحين يخف الوحم تدريجيا ويخلص ع اسبوعين او ثلاثه ،،، الله يعينَّا ان شاء الله يخف علينا هالوحام ونرتاح منه ويرحمنا ربي برحمته

الجود ايوه خخخ تصدقين دايما بس اقرا اسمي ماقرا التاريخ بس يلا مافيه مشكله نعدله التجمع الجاي 😺
انتي متى اخر دوره لكي


توتو والله ماعرف انا دورت عليه في بنده مالقيت 😫ان شاء الله بشوف العطاره


ام ايمن والله صادقه ممكن بس الاغلب انو وحم البنت اصعب واثقل من الولد

زبده الشيا الخام مع زيت اللوز رووووووووووعه 👌 تبع لوكستيان ان شاء الله ببتدي فيهم بعد الوحام او اذا حسّيت بنشاط ،،، واستخدمه ع طوووووووول حتى بعد الولاده واحطه في الفخوذ والبطن كل يوم ،،،

الله يرزق كل وحدة ماتتمنى ويكون بصحة وعافية وكامل الخلقة والخلق
ويكونو قرة عين لنا
وانا مررة نفسي في بنت الله يرزقني عندي اولاد وحابة البنت ربنا كريم

كش ،، كلامج صح ،، اشوف نفسي حملي ببناتي اموووووت وأحيا استفراغ وطايحه ع الفراش والله يكرمج الزباله تحتي لدرجه ما أوصل التواليت ارجع ،،، ومن ارفع راسي تعالي شوفي حالتي ،،، بس حمل البنت ما احس بثقل خفيفه وامشي بسرعه ،،، وسمريت ورقبتي سوده تلوع الجبد ،،، وأضعف ضعف مب طبيعي

بس الولد غير ،،، وحامه خفيف من غير استفراغ والنفسية حلوه وطالعه بيضا وجميله ،، وتشوفيني كله اضحك واسولف وأحب اطلع ،،، بس احس حمله بثقل من تحت ،،، وألم كله بظهري ،، وشعر أيدي ورجلي بسرعه يطّلع عكس البنت

بس هالمرا ما اقدر احدد شنو جنسه