البقع الداكنة في الوجه و الجسم

السلام عليكم ورحمة الله وبركاته

يابنات أنا محتاجة لمساعدتكم
أنا من جدة وعندي مشكلة ببشرتي
كان يطلع لي حب الشباب وحبوب من زيوت الشبس والأكلات الدهنية
وأنا الله يهديني كنت أفقعها وصارت تترك آثار وبقع داكنة حتى لما كنت أنجرح كنت أستنى الجرح ينشف بعدين اقشره وم الوقت صار بقع داكنة أيضاً
و البقع تسمى ايضا بـ post inflammatory pigmentation
و دحين بحاول أتخلص منها وما قدرت
جربت خلطات طبيعية و أدوية تفتيح وتقشير بس ما نفع شي
أبغى أعرف أحسن مكان في جدة يقدر يعالج لي هذه البقع سواء كانت عيادة أو صالون نظيف و كويس
وايش اعمل ليزر ولا تقشير كيميائي ولا في حل آخر ؟؟
أنا شخصياً ما أعرف في هذه الحاجات كثير وأتمنى تساعدوني
وجزاكم الله ألف خير

11 تعليق 2,439 مشاهدة

شاركي في النقاش

سجلي الدخول لإضافة تعليق.

التعليقات

10
  1. @mdam_bklaoh

    سوي تقشير كميائي رائع جدا جدا للبقع وللبشره الدهنيه بشكل عام ينشف الدهون ويصغر المسام وتطلع لك بشره جديده حلوه بس لازم لازم تعتني فيها ولا بترجع اسوء من اول
    وعندك في جده عيادات السامريه عند الدكتوره ايمان مرره ممتازه وتعطيك كريمات وغسول بعد التقشير تستخدميها واتمنى اكون افدتك ياعسل ولا تنسينا من دعواتك الطيبه
  2. @aisha_50

    انا زيك عندي اثار جروح واكزيما في بعض الاماكن لي 20 يوم مداومه على خلطة سعوديه حسيتها خفت بنسبة 40% هي يبيلها شهرين مداومه اذا مانفعت بجرب تقشير كيميائي يقولون يصفي ويوحد لون البشره

    اذا جربتي تقشير ونفعك علميني بالنتيجه الله يسعدك
  3. @roaa_35

    صاحبة الموضوع
    طب ايش أفضل عيادة أو مستشفى في جدة موثوقة في تقشير الوجه بالليزر ؟

تابعي تجارب أخرى من هذا القسم.