غريب كلامك يالشماليه احنا اتاثرنا من المقطع لانه انسان قبل لايكون مسلم
يعني حتى لو الكافر اكيد راح يتقطع قلبي عليه لانه ولد مراهق حتى لو غلط له عقاب مناسب
مثل السجن لكن مو خنق وضرب وقسوة
لكن الي يخلينا زعلانين ان الشرطي هل راح يسوي كدا بالولد اذا كان من بلده ؟
يعني ليش راح نفرح فيهم عشان يخنق طفل نفرح لمجرد انه غير مسلم لاحبيبتي
الظلم والقسوة منبوذه من الجميع سواء ظلم المسلم للمسلم او المسلم للكافر اوالكافر للمسلم او الكافر للكافر
يعني لو الشرطي مسلم والولد كافر راح نفرح؟
مستحيل الانسان يفرح بظلم وتعذيب انسان مثله حتى لو طفل يهودي ماراح نفرح بتعذيبه
ايش هذا التفكير والدخول في النيات وسوء الظن الي مادري على اي اساس
وبعدين كيف تقولي طلعو احسن منا ورفضو تصرف الشرطي؟
احنا لو ولدهم عندنا وعذبه واحد مننا اكيد راح نزعل ونستنكر لان تصرفه غير أدمي
وهم لانهم اوادم وناس زينا عشان كدا زعلو ع الولد لانه انسان وحرام يتعذب بهذي الطريقه
بس انت الله اعلم شكلك ثقتك مهزوزه فنفسك وفاقده الثقه في الي حولك اوعندك مشاكل فحياتك عشان كدا عصبتي وقلتي ايوا انتو فيكم وفيكم ومدري ايش وانتو تكرهوهم ،،، على ايش نكرههم
هم بشر مثلنا ومالهم دخل بالسياسه زي مااحنا مالنا دخل فيها .
شرطي سويدي يعتدي ع طفل مسلم عربي
متابعة النقاش، صفحة 9