استقر زوجي وانا بتطلق

النفقة الزميه فيها ولا تشترين بريال من راتبك الا لنفسك
والا تبين راتب زوجك لها

اذا شريت بيت وجمعتي مبلغ وقدره ذيك الساعة كبرو اولادك وتسحبين عليه سيفون

نفذي القرار اللي نويتيه لانه اريح لك من وجع الراس .. وماله داعي يجي اصلا الا اذا بغى يشوف عياله يجيهم بالمجلس .. انتي معلمه وشايله نفسك ماانتي بحاجه له .. وخليه يجيبه زمانه

مع الأخت وبعدين بقولك شي قرار التنازل فكري فيه بعد سنه
مو الحين انتي كذا بتجيبيها باردة مبردة وبتريحيه من موضوع العدل وممكن لو بعد فترة انتي تتراجعين او هو يجي يداريك بعد مايكون عاش احلى الأيام
اول لاتخليه يتكلم عنها قدامك انا عارفه انتي تبغين تسمعين معلومات عن حياتهم لذلك ماتصديه مرة بس انتي اللي بتتعبين وموشرط كله صدق
جربي اذا تكلم تصديه بقوة وتهدديه انك تدخلين احد او تتركينه المهم لاتخربينها تهديد يناسب زوجك
بيرجع مايتكلم عنها وبعد السنة اذا شفتي انه مافي عدل او قلبك ماعاد يتحمل واستخرتي الله خلاص لايكلف الله نفسا الا وسعها
وترى اول سنة صح فيها مشاعر وحب بس كمان معروف ان فيها مشاكل كثير بسبب الإختلاف فأنتي تركزين على انه مبسوط مستحيل يجي يحكي مشاكلهم
انا مابقول انه مصيره يرجع للأولى. بس فعلا اللي يجرب الزواج ماعاد يبطل ممكن يجيب الثالثة لو بعد عشر سنوات
المهم الحين لاتحرمين نفسك وعيالك وبعدين تتندمي ولاتعطينه فرصه يعيش جوه بعد السنة تكون الأمور هدأت وقرارك بيكون من عقلك مو مشاعرك

تعوذي من الشيطان ، هو تو معرس ، اصبري
واذا جاب طاريها عندك قولي لو سمحت مابي اعرف عنها شي واذا صرت عندي لا تذكر اسمها ولا صرت عندها لا تذكر اسمي

اما الطلاق شيلية من رأسك صبرتي عليه وهو مدمن ولما اتزان بتتركينه !
وربي بتتعبين بتربيه أولادك لا تقولين اقدر والله صعبه جدا تربين عيالك لحالك ، حتى لو رامي المسؤولية عليك وجوده في البيت يحس أطفالك بالأمان وان ورآهم ظهر

انتي زعلتي مو من الضره الا من كلام ومدح زوجك لها عندك ، زي ماقلت لك اطلبيه ما ذكرها لا بزين ولا بشين عندك وانتي بعد لايذكرك عندها
الله يهديك ويصلحك ويحفظ لك زوجك واطفالك