اللي سوت ليزك او ليزر للعيون تدخل

انا عملتها من اربع سنين وطلعت من غرفة العمليات ماشية علر رجليي لحالي
ولا حدا مسكني ولا شي ، كنت شايفة كل شي مع تشويش بسيط لا يذكر ..
التخدير عبارة عن قطرة بالعين ..  ألم مافي نهائياااااا لا اثناء العملية ولا بعدها .. اثناء العملية مارح تحسي بشي ولا حلقة ولا هم يحزنون اصلا رح تكوني مركزة نظرك على نقطة الضوء بالجهاز ولا رح تحسي بشي ابدا ابدا ابدا لما الدكتور قال لي خلص ماصدقت !! . العين الوحدة بتاخد اقل من دقيقة يعني مافي خمس دقايق الا وانت طالعة ... مافي الم نهائي ممكن حرقة بسيطة جدا بعد زوال مفعول التخدير لكن مقبولة ومع القطرات بتخف .. 
انا من لما طلعت من العملية كنت شايفة بوضوح جيد جدا وتحسن خلال يومين او ثلاث على ما اذكر ... انا عيوني بتدمع كتير فتحركت الشريحة باحد العينين بعد العملية من الدمع ( شفتي شعور وخز العدسات اللاصقة لما تكون مقلوبة نفس الشعور ) ف راجعت الدكتور بنفس اليوم و ظبط الشريحة بالعيادة بدون تخدير ولاشي باستخدام اعواد القطن عدل مكانها ولا في اي الم نهائي .. هي العين تقريبا اخدت اسبوع ورجعت طبيعية العين الاولى يومين او 3 بالكثير .. 

بالنسبة للنظارات الدكتور قال لي البسيها 24 ساعة فقط ، انا لبستها احتياط 3 ايام لانها ماكانت مضايقتني ، حاولت مااتعرض للشاشات او اي ضوء ساطع وكنت مرتااااحة جدا ومافي اي ازعاج الحمد لله وسعيدة بتحسن الرؤية .... اهم اهم اهم شي تاخدي احتياطاتك قبل النوم وتتأكدي انك ما تحكي عينك وانتي نايمة ، هاد اهم شي ...

طولت عليك اسفة لكن حبيت خبرك بالتفصيل عن تجربتي ، بعد العملية رح تقولي يا ريتني مسويتها من زمان :)  بالسلامة ان شاء الله ...