الموظفه اللي زوجها ناوي يلهف من الراتبين وش الحل

معليش اسمحيلي اشرحلك نقطة .. الناس لهم قوات تحمل مختلفة و الوحدة تتحمل شي بسيط او شي ممكن تتغير .. بس ليه الوحدة تتحمل انسان بلا اخلاق و جشع و عينه على فلوسها و هي بامكانها تعيش من غيره و يمكن بسعادة اكثر و تربي عيالها في بيئة احسن كمان .. معليش ما عاد صرنا بعصور الظلام اللي الوحدة ما تقدر تعيش الا برجال ! السعوديات من جد يتخلو عن اهل كرامة وظيفة فلوس بس الرجال بعفاتنه و قرفه و اخلاقه السيئة ما يتركونه لو ايش يكون !!

وربييي انييي مقهوووورة منك وعليييك،.اقووولك سوي لك حساب بدون بطاقة بالبنوك فيه شئ زي كذا، وحولي كل شهر نص راتبك عليه، وقليل المروة اللي عندك قولي له بالفم المليان وبكل ثقة مافيه ولا ريال مني، وانسئ ان عندي راتب بيتك انت ملزوم فيه وعيالك انت تصرف عليهم،وانا كمان اعطيني مصروف، وبس ادفعي من راتبك لمصاريفك وسواقكك،اما الشغالة والإيجار ؟! خيييير تصرفي ع الإيجار !  ياحبيبتي من حقوق الزوجة الثابته السكن وعلئ الزوج مو عليك انتي!؟ حرام وربي حرام الوحدة اذا توظفت تدلل نفسها وتأمن مستقبلها، ودام ماشاءالله راتبه كويس خليه يدبر نفسه،واذا جاكي وطلب مبلغ كبير زي حقكك بالجمعية وكذا علئ طول قولي له اعطيك بس بشرط بوصل ،ودين ويرجع لييييي، هذا للأسف قليل مروة وماتفرق عنده انه يأخذ من فلوس الحرمة،.

والله الغلط منك يعني رجال مثل الديكور بس يلهف وياكل ويمسح يده بالجدار هذا وش مقعدك عنده ؟؟؟ لاتقولين عيال وماعيال انتي موظفه وقادره تستقلين بنفسك مدام انتي اللي متحمله المصاريف وانتي عنده ماعتقد بتعجزين عنها لاطلعتي من بيته والله تقهرني الموظفه اللي تكرف وتخلي زوجها ياكل راتبها وتجي تشتكي يختي اذا ماتبين تتطلقين ومتمسكه فيه اقهريه واتركي الوظيفه وخليه هووو اللي يتحمل

قولي له آسفه


انت المفروض تصرف علي مو انا اللي اصرف عليك


خليه يزن ويقول اللي يبيه لاتعطينه ريال واحد من اليوم ورايح خليه ينسى ان عندك راتب


قال لك ساعديني بأجار الشقه قولي له لا كل المصاريف المفروض تكون عليه

حريقه تحرقه لاتعطينه شي وووووجع هالرجال انهبلو وراتبك اذا دخلتي جمعيه اسكتي انطمي لاتعلمينه بكل حاجه وبكل شارده ووارده افتحي لك حساب ثاني وحطي فيه بحيث انه مايدري