كيف أستقر قولي لي بس اللهم لاشماته مو هو اللي باع سيارته عشان يدفع مهر الحمدلله والشكر
بعلمك شي قالته لي زوجة معدد حكيمة
تقول لما تشوفين المعدد يمدح ويمدح اعرفي انه محبط بس مايبغى الشماته وبالذات من الآولى فماله الا يمدح جوه والآيام بتكشفه
حبيبة قلبي انتي من قالك حطية فوق راسك ياحبي انتي خليه على القااااع
لاتتنازلين سمعتي لاتتنازلين لاتتنازلين وحده اعرف اختها قالت لي يمدح ويمدح بالثانية وبالآخير قالها صريحه أعفيني من حقك علي بس انتي ملزومة ببيتك وعيالك
تقول سكت عنه وخليته
والله اللي احرق لي دنياي لاأعدم له آخرته وان عدل فهو له ولسلامته وان ظلم فيه حساب عسير ينتظرة
لاياعمري لاتتنازلين لكن لاتشيلين همه
حتى لو جا ونافخ أسفهيه وخلي بالك على نفسك وعيالك بس هاه ريال واحد لايطول منك
ترى لو اليوم ياخذ ريال بكره بيشوف من حقه ألف
خليه يصرف على البيت الآساسيات وأغراض الاولاد ومستلزماتهم والكماليات ماعليه انتي جيبيها خليه لاغير ينجن من مصاريف بيتين
وانتي فكري بحسبة او طريقه تأمنين فيها بيت خاص فيك
صدقيني فكري لنفسك وأنسية لاغير يتحسف ماقدامة الا العدل والمصاريف والحساب لو قصر
وخلي انتقامك منه اللي يحرق لي دنياي أعدم له أخرته
انا ماألومك والله يلوم اللي يلومك لكن فكري لبعدين مو بس اليوم
تدرين لوتنازلتي وش بيصير والله اعلم
بيرددها للبعيد والقريب تنازلت تنازلت وبعد سنه بيرجع يطلب حقوقه منك بس بهالسنه يبي يتفرغ لهذيك
انتي اقطعي عليه وخليه بهم الحساب والعقاب ليش تريحينه
أوجعي قلبه وأقلقي راحته
ولاتقولين حبها اللي زيه مايحب الا نفسة وأكبر دليل لو ودك تجربين وتعلقين قلبه بوهم وحده أحلى منها بس وشوفي ايش بيصير فيه
عشان بس تتأكدين ان اللي زيه مايحب الا نفسه وأولاده بس
ترى حتى اولاده يحبهم عشان هم يمثلون له أمان المستقبل وعكاز الوهن والكبر
وصدقيني ياحبيبة قلبي الدنيا انتهت او أوشكت على النهايه ماعادها تستاهل الركض وراها انتبهي لعيالك ولنفسك
واشتغلي لآستقرار دنياك وآمان آخرتك وهو خليه بهم العدل وحريقة الحساب
وأنتي نالي أجر الصابرين والحمدلله اللي مااحوجك له في الماضي وأسئل ربي ان ماتحتاجين له ولافي يوم من الآيام
أمنياتي لك بكل ماتتمنين وكل ماضقتي تعالي واكتبي هنا وماعليك من اللي يقولن كل يوم تنزلين نفس الموضوع
اللي بخاطرك اكتبية ولاتترددين
استقر زوجي وانا بتطلق
متابعة النقاش، صفحة 11