وأخيرا جبت شغاله وارتحت، لكن ام زوجي واخواته يتحكمن فيها

السلام عليكم
انا جبت شغاله والحمدلله ريحتني فاشيا كثيره وتمسك عيالي لما اروح الدوام. المشكله فوقت لما اروح الدوام وعيالي نايمين عمتي وبناتها يخلون الشغاله كل صبح تنظف البيت كامل وتغسل وتكوي ملابسهم كلهم وخاصه وانا ما عندي خبر ولا الشغاله خبرتني بس اليوم تكلمت وحسيت انها متضايقه من كثر الشغل. بنات انا مرتاحه مع هذي الشغاله وطيبه وشغلها وايد زين خوفي انها خلاص بتتعب وبتسافر من شغل اهل زوجي. والله ما يستحون انا ادفع من راتبي وهم يتامرون عليها المسكينه لما اكون في الدوام.. انصحوني الله يخليكم شو اسوي؟ شو الحل؟ ملاحظه زوجي قائل ماراح اساعدك براتب الشغاله لانها عليك وتشتغل شغلك مع عيالك..

28 تعليق 6,837 مشاهدة

شاركي في النقاش

سجلي الدخول لإضافة تعليق.

التعليقات

26
  1. @myooosh_4

    خليها ترفض تجي منها هي
    واذا تكلمت عمتك قولي معليش يا عمة انا الي جابتها وادفع راتبها عشان تكون مع عيالي وقت الدوام
  2. @gmalk_shrny

    خليها بالبيت حقكم ولا تروح لهم اذا نادوها تقول لهم ماابغى
    وانتي تفاهمي مع زوجك وإذا يبغونها يزيدون بالرواتب ويدفعون نصه
    وقولي حق زوجك انا بالدوام وجبتها للأطفال مااخليها ولا تشتغل بالبيت حتى تناظر الصغار لو حصل لهم شي انا وووو اما اذا أهل زوجك ينتبهون لهم والشغالة تشتغل ممكن شي يشفع اما الصغار مايندرى عنهم فلا وألف لا
    اللي يتكلم قولي الخدامه قلبت نبغى تسافر وماتبغى تشتغل عند احد وممكن الخدامه تتكلم وتقول لهم ماابغى
    وما احد راح يتكلم أساسا اذا يبغونها قولي لهم أكون موجوده وأخاف الخدامه تطفش وأنها تطلب السفر
  3. @alrkn_alfdy

    صاحبة الموضوع
    حبيبتي لما البيبي تكون نائمه يخلوها تشتغل عندهم. وحتى لو كانت قايمه هم بيمسكو البيبي وبيخلوها تشتغل، مدري ليش كانهم يريدو يطيروها.
    والله كم سنه وانا تعبانه وصبرت وصبرت والحين لما فرجت يجو هذولا بيخربو علي والله حرام.
    هم عندهم شغاله فالبيت وأخوات زوجي عندهن شغالات ماسكات عيالهن بس مدري ليه حاطين عينهم على شغالتي.
    والله قبل لا تجي شغالتي. شغالتهم ولا وحده فيهم خلوها تجي تنظف غرفتي كانت ايام فيها أوساخ وغبار وولدي وانا جانا الربو من قله التنظيف وانا اجي من دوام ما اقدر اسوي شي تعبانه وأريد ارتاح. انتظر الاجازه وانظف غرفتي وحمام. اما شغالاتهم لما اطلب انهن يجن ينظفن تقول عمتي وبناتها ان الشغالات تعبانات او ماتقدر تروح فوق لان رجلها تعورها وهكذا كل عندهم اعذار.
    وزوجي طبعا ضعيف الشخصيه قدام اهله وعادي الغرفه تكون قذره وهو ساكت وعادي عياله يمرضو.

تابعي تجارب أخرى من هذا القسم.