النفسيه بعد الولاده..

انا يجيني اكتئاب مابعد الولادة الله وكيلك اتعب بقوة ولا اقدر ابكي لأَنِّي قيصري يوجعني الجرح هههه

شفتي كيف فيه اللي اسوء منك ^^

الحمدلله على كل حال

حافظوا على اذكاركم ... لانك نفاس وغير طاهره وبحزن فتكونين عرضه للشياطين الله يحفظكم

اخخخ بس انا جاني وانا حامل 😓😓😓

اعتبرها اسوأ ايام حياتي ولدي عمره سنتين و9 شهور اخاف احمل ويرجع لي جتني عقده استغفرالله 😓

وسوسه وضيقه صدر كل شي حزين بس ابكي لين تطلع عيوني من البكاء الله يعظم الاجر

بس ولدت وقمت بالسلامه راح سبحان الله الله لايعيدها من ايام يارب

شغلي قرأن واشغلي نفسك بالاذكار كل ماحسيتي بضيقه حاسه فيك وربي شي مو سهل 😢😢😢

الله يعينك يارب

عاااااااااااادي جدا لاتشلين هم

تطلعين من الاربعين وباذن الله تتغير نفسيتك

كلنا بعد الولاده نتضايق
من المسؤليه الجديده والتعب والسهرر والجسم اللي خرب وحالته حاله

يعني كلها تجتمع في وقت واحد

كل يووووووووووووووووووم شغلي سورة البقرة على اي شيخ تحبينه وقت الليل ترتاحين والله

رتبي نفسك ووقتك وسبحي واستغفري طول الوقت فيها بركه والله

وجيبي وحده كل نهاية اسبوع تساعدك وتنظف وتغسل

وقولي الحمد لله ماعندك الا بنت وحده يعني غيرك تنفس في بيتها وعندها 3 و4 وازعااااااااااج ولا عندها شغاله يعني تعب من جد

انتي الحمد لله ماعندك ازعاج وتعب وعيال كثير وحوسه


يبغالك ترتبين وقتك بس
وتسوين لك جدول
ولو قدرتي تخلين احد من اهلك يجي عندك اول اسبوعين يساعدك ويونسك ويخفف عنك

لين تقدرين ترتاحين وتقومين بنفسك

او انتي اخر اسبوعين روحي لاهلك منها تغيرين نفسك وترجعين بيتك بشكل جديد ونفسية جديده

والله يعينك ويصبرك

سوي لك جدول للاكلات اللي تتاكل في الاربيعين
كل يود دلة حليب زنجبيل ودله قشر قهوه والتمر كل يوم

كلي اكلات فيها بر اسمر

سوي لك خلطات للجسم والشعر لفترة الاربعين وحطيها في علب وخليها جنب سريرك عشن تتذكرينها
وكل يوم حطي في بجسمك منها

تطلعين من الاربعين وانتي مفتحه ومحلوه
ولا تاكلين رز وحلويات هالاشياء ماتنفع وتعدم الوحده بالاربعين

شدي بطنك بمشد مناسب
ومثل ماقلت لك خلي لسانك على طول يسبح ويستغفر ويحمد الله

راح تشوفين البركه

واكتئاب الولاده راح تنسينه...

الله يفرجها عليك حاسه فيك بس لاتستسلمي واذكري الله دائما.