🎈💜تباشير الفرح 3 لمواليد مارس وأبريل 2015 🎈💙

الله يهون علينا كروشات ويرزقنا الولاده السهله


انا مع النفسيه التعبانه كل شوي اكل اليوم بالذات ماني طبيعيه 😢

وكل شويه ابكي احس بطني بيطيح من كثر مو نا😢😢

وزوجي مشغول ولا فكر حتئ يخرجني


ميدوري يوم قلتي كيك وقاتوه اشتهيت حقت سعد الدين كيكة الكتكات ااااه ياطعمها



ياااااارب نولد ونقوم بالسلامه احنا وبيبيهاتنا

معليش تحلطمت كثير اليوم

بنااات احنا ماعندنا زوجي يذبح لي ذبيحه مع النفاس اول مرره اشوف او انتبه لذي النقطه في العادة من ثلاجه اهلي في لحم امي تطبخ لابوي واخواني لحم وتسوي لي معهم وابوي من قبل اذا جات اختي تولد عندنا يذبح ذبيحه للبيت ولها ..وهي تجيب مصروف لها وللنونو والاشياء هذي العادية.. والاشياء الثانية الطحين والحليب الخ لو زوج اختي او زوجي مثلاً بيجيبها لو ولدت بيزعل ابوي مستحيل يرضى اصلاً هيا اشياء اساسية موجوده بالبيت فأبد ماتطرى علي اصلاً اقول لزوجي..والاكل بشكل عام في العادة اهلي يتكفلون فية من اكل البيت عادي وانا بس وحده ما بخسرهم والا اكلف عليهم..

ليه ياخاله غيود اكل النفاس غيررررر يختلف الا اذا انتم ماتاكلون نفس طريقتنا 40 يوم ماهي قليله تكلفين على اهلك يعني امك بتسوي لك كل يوم عصيده وخبز غير السمن والعسل والمرق والمقلقل والحليب كل شوي تشربين اشوف ان اهل البيت مو هذا اكلهم والقهوه والهيل كل شوي ناس وتسوون قهوه اذا اهلك لوحدهم بيسون في اليوم مرره او مرتين اذا كثرو والذبيحه صعبه كل يوم امك تطبخ لك من لحم ابوك واخوانك لانك بتاكلينها بشكل يومي بس هم يمكن كل 3 او 4 ايام لحم وانتي اعلم بوضعكم

ميدووري ياقلبي لاتحزنين ولاتبكيين تراك بتجيبين طفل نكدي وبكاي من بكاك اهدي ياقلبي وهذا الرجال يوم مر ويوم عسسل هونيهاا وتهون اصبري لأجيك الدمام واجيب لك احلى قاتو لعيووونك يابعدي😘

فتو الحمدلله تطمنتي عالنونوو..

حكاية وخالة عبود وكل الي تكلمو عن النفاس ابوي وامي ماراح يقولون جيبي اكل معاج بنتهم انا بس الوحده لازم تحس من نفسهاا الأحساس نعمه يعني ذبيحه سكر دقيق بر شاي وعصيرات وماي وقهوة وزعفران وهيل معقوله اهلي كل يومهم يسوون ترامس قهوة والا اللحمه بيطبخونها كل يوم وهذا اشياء اساسييةة اما الحفاظ والخليب بعد اهلي سلامات ولدهم ولا ولدك تراهم ماتسدحو اخر الليل وقالو خسرونا>>>>بدت تهايط يالهوووي..
ذي مسؤؤلية كل زوج نفاس زوجته واهتمامه بطفله علمو ازواجكم هنقطه حتى يكبر بعين اهل زوجته يقولون قد المسؤؤليةة ومايحب يثل ع احد


انا رحت المستشفى الحمدلله طلعت المويات من الالتهابات زايده عندي والرحم مفتوح 1 سم عندي بس انا كب مرة من نهاية الثامن ينفتح الرحم عندي عطتني تحاميل ومضاد وموعد بعد 10 ايام لأنه خلاص من التاسع كل اسبوع موعد..

يس نو ايوة الموعد بعيد بذي الفترة تتغيير اشياء واجد فمهم المراجعات ..