اللي تبغى تراقب زوجها ...مثل العضوه جمانه

السلام عليكم ورحمة الله وبركاته


...

الاخت جمانه اللي كتبت موضوع عن زوجها كيف راقبته وسجلت عليه
الموضوع هذا مره خطير وانا كتبت هالموضوع علشان كلكم تفهمون وتستوعبون


اولا / حكم التجسس حرام وكلكم عارفين هالشي

ووالله اللي اخترع هالبرنامج انه شخص خبيث لعنه الله لانه هدفه الدمار والخراب

ثانيا / اللي قاعده تسويه جمانه مصيبه وكارثه بحق نفسها اولا ثم ابنائها ثم زوجها المجتمع وبحقكم انتم

انتي تتعبين نفسيتك وتشغلين بالك وبالتالي تنشغلين عن طاعة ربك وعن واجباتك تجاه بيتك وابنائك ماراح اقول زوجك لان زوجك خلاص منتهيه سالفته
بس والله انتي قاعده تدمرين نفسك يا امي ليش مشغله نفسك وتبغين تشغلين نفسك اكثر واكثر وتبغين تنزلين راسه قدام الناس وتفضحينه وليش تبغين تهددينه يا يرجع لكم او بتفضحينه!! ياحبيبتي هذا رجال ومافيه العن من الرجال والله احنا مساكين مهما وصلت لعانتنا ينضحك علينا بسهوله
فمري بالعقل واتكلمي بالمنطق انتي الان عرفتي انه شاذ وانه مع احترامي لكي خربان
طيب ليش جالسه تتجسسين وتدورين وراه وش تبغين توصلين له !!؟
انسان،خربان لها الدرجه وش تنبشين وراه!! يا امي هي حلين مالها ثالث يا تطلبين الطلاق يا ترضين بعيشتك وتربين عيالك وتقعدين بيتك
اما سالفة تمسكين عليه وتهددين وبتفضحين والله اقولها لكي بالفم المليان مع نفسك

مافيه رجال يرضى بالمذله ولا فيه رجال ينفضح بمجتمعنا لان حنا بمجتمع الرجال صح وحنا غلط

ادري بتقولين هذا لواط.... ؟ بس لو انكر لو قال حنا نمزح لو ولو ولو،

انتي مو قد زوجك ولا اي حرمه قد رجال

انا انصحك لوجه الله انك تتركين هالطريق اللي ماشيه فيه ترى محد،خسران الا انتي
واذا تبغين الطلاق ترى العيال بحضانتك هذا قانون جديد واسألي اذا مومصدقه واذا تحبينه وعندك استعداد تتحملين مصايبه اقعدي عنده وادعيله وانصحيه وعيشي مع عيالك


اما الاكشن اللي قاعده تسويه،بيضرك بيضرك بيضرك وبالنهايه انتي الخسرانه


انا نصحتك وبكيفك


والبنات اللي،يسألون عن البرنامج لاتخربون بيوتكم ترى انتم مو قد اللي بتشوفونه لو كانوا رجالكم عندهم حرابيط والله ماراح تتحملون ارضوا بالواقع اللي انتم فيه وعيشوا لنفسكم شوي واتركوا الرجال يعيش حياته مو شرط كل الرجال خاينين ترى الحريم شكاكين بزياده
خلاص يا امي انتي وهي اذا حاسه ان زوجك لعاب وماتتحملينه امشي،لبيت اهلك اما تسوين دراما والرجال ماتدرين هو عنده شي او لا
ليش كل هذا... عيشوا حياتكم طبيعيه والله اللي يبغى يخون راح يخون تجسستي ولا قعدتي


لاتخربون حياتكم ولا تجي وحده تقول عبوديه لا يا امي انا اقولها اذا مو مرتاحه تطلقي بس لاتقعدين تسوين خرابيط تضرك...