زوجي ماعطاني طلاعه

ياحبيبتي كلنا تزوجنا وحملنا وولدنا ماشفنا طلاعه هذاني اقولها لتس جبت ثنين ماشفت منه شي
والله ابقعد انكد ع عمري جاب ماجاب بكييييييفه خليه اخر اهتماماتس ولاتتعبين عمرتس
دامتس موظفه دلعي عمرتس بهالراتب واشتري اللي تبين والا الرجال ماوراه رجا ابد

يا اختي انبسطي بفلوسك ورفهي عن نفسك واشتري الي نفسك فيه
لاتخلين على قلبك شي دام معك
بالنسبه للمقاضي واغراض البيت روحي السوبر ماركت بنفسك واشتري الي تبغين

شووووووووفي اعرف واحد بعايلتنا مثل زوجك وزوجته سوت له حركه وتغير وان شاء الله تنفع مع زوجك اول شي اشتري الي نفسك فيه لا تخلين شي بخاطرك ولا رحتي معاه سوق او شي اشتري هديه رجاليه مثلا عطر ساعه أي شي واذا سالك قولي لاخوي الله يخليه لي والا لابوي بعد قلبي عطاني كذا بنفاسي وهاكذا وبيحس بالغيره وكل مره بيحس انك تعطينهم وهو مطنشته وبيتغير واذا ماتغير انتي طنشيه وماعليك منه ولا يطووول منك قرش احمر وحسسيه انك توزعين بفلوسك علي اهلك واصحابك بس عليه لا لانه مايقدرك ولا يستاهل

دامك موظفه اشتري لنفسك بلا منت هل الرجل،،،عندك فلوس دلعي نفسك وبنتك وماعليك منه بس لاتتنزلين عن مصروفك ومصروف بنتك وبيتك،،، ولاتقرنين نفسك بأحد ترى ما هدم الحياه بين زوجين الا المقارنات بين فلان وعلان،،،لاتحنين ولاتزين عليه جاب هديه اهلًا وسهلا ماجاب ماع سلامه. منتي بميته،،، بعدين هديه تجي من غير نفس ماله داعي صراحه،،،وانا اول مره اشوف وحده تطلب هديتها بالاحاح مثلك،،،كان قلتي له يفلان انت وعدتني بايفون وانا نفسي فيه بس دام ممعك الحين بصبر ومتى ماجبته تجيبه كان احسن من انك تطلبينه مباشره،،، وبعدين الله يهديك لاتحطين نفسك مقارنه مع أمه وأبوه ليش اشترى لهم عطر وانتي لا الا الام والأب مايتقارن فيهم أبد هذول جنه وناره وانتي ماتجيني شيء قدام فضلهم عليه مستخسره يفرح أمه وأبوه بعطر وبكم ريال كان شاركتيه باختياره للعطور احسن ماتشلين في خاطرك علي انه إهداء أمه وأبوه هذا انا زوجي يشترى لامه ولابوه ويعطيهم فلوس ولا عمري بحياتي قلتله ليش تعطيهم ماتعطين لاني عارفه مين هم وانه قدرهم وفضلهم اعظم مني انا بكثير،،،،وكلمه خليه حلق بذانك الي بيعيش طول عمره يقارن نفسه بالناس ترى مابييعش مرتاح،،،واذا بغيت شيء من زوجك اطلبيه بداهاء مو بطريقه مباشره،،،وحمدي ربك انك موظفه والي خاطرك فيه تجيبينه فيه ناس عايشين بنعمه مو مقدرينه،،،اجل لو ماعندك راتب وش كان سويتي،