المضيفة المصرية 3 * اتفضلي اشربي عصير و خديلك ساندويتش كمان!!

معلش يا هبهوبة مع احترامي الكبير ليكي لكن لا اسمح لك ان انت تقللي من شان الدكتور يوسف القرضاوي
اذا انت مش عايزة تاخدي منه
فلك هذا انت حرة طبعا
لكن لا تقللي من شان عالم كبير كالقرضاوي و تمنعي الناس انها تاخذ منه
و بعدين ليس من حق احد ان هو يكذب عالم

يعني الانسان ساعات بيكون له راي محالف لراي عالم معين
مش معنى كدة ان انا اكذبه و اطلعه لا يبقه و كذاب و منافق و غيره

و اذا سمحتي يا ريت ما تتكلميش كدة تاني عن الشيخ القرضاوي

ثم مش من حقك تقولي الموقع الفلاني كاذب لن فيه فتاوي لشيوخ و علماء كتير

و لا انت بتكذبي كل دول و بتعطي لك الحق انك تقولي انهم كاذبين
هل انت عالمة لتكذبيهم

و انا لما كتبت الفتاوي جبت واحدة للقرضاوي و اخرى لشيخ من الازهر
يعني هما الاتنين كذابين و مش بيفهموا

سبحان الله

أوكي أنا معاكي يا أم أبيها
بس عارفه بقى
حكايه البيانوا ده مكنتش موجوده بس أظن إنه ميختلفش عن الموسيقى ولا ايه؟؟؟؟؟؟
وبعدين اياكي تنسي إن الله سبحانه وتعالى كان يطلع الرسول الكريم على كثير من الغيبيات وأهمها علامات الساعه
وكانت أدوات الموسيقى والمزامير أحد هذه الغيبيات التي لم تكن موجوده في عهد النبي ولكن النبي الكريم قد عرفها وأبلغنا عنها
صحيح لم تذكر بالأسم بس معروفه إنها أدوات الغناء والموسيقى
أهلا وسهلا بيكي أم أبيها تعالي ناقشيني بقى علشان مش هنخلص للصبح:26: :26:

و معلش يعني انا باسمع لسامي يوسف و مقتنعه بالراي اللي بيقول ان الموسيقى كالات اذا لم يكن فيها ما يغضب الله فهي ليست حرام
و مش من حق اي حد ان هو يجبرني اني اغير رايي لاني انا واخداه من فتاوي علماء باحترمهم و كل انسان يستفتي قلبه و يفتيه و له حرية الاختيار
و مش اي حد تاني هو اللي هيتحاسب بدالي

طيب ممكن اقول كلمة و يكون لي خاطر عندكم؟؟؟

بالله عليكم نقفل المناقشة في موضوع الغناء و اعياد الميلاد و الحلال و الحرام. احنا مش فقهاء و لا حاجة، و لما واحدة فينا بتسأل سؤال في الدين، التانية مشكورة بتحط لها رابط فتوى او موقع عالم دين او خلافه. بلاش احنا ندخل في مناقشات عن الحلال و الحرام و عن مين صح و مين غلط. يا ريت لو نحاول اننا نقفل المواضيع و ممكن نذكر الله في تجمعنا ده زي ما كنا بنعمل باضافة دعاء او شئ من الذكر في نهاية مشاركتنا

بالله عليكم كمان مرة كفاية كده، في ناس بتدخل الصفحة هنا عشان تلاقي حد تتكلم معاه او تلاقي مكان تتجمع فيه مع صحبة طيبة، لما بيشوفوا السجالات دي بيتعقدوا و بيفكروا الف مرة قبل ما يدخلوا او يفتحوا بقهم. انا شخصيا من الناس دي، عاوزة اقعد معاكم و اتكلم معاكم و في نفس الوقت حاسة ان الوضع متوتر

يا ريت ناخد وقت مستقطع، و نوقف اطلاق النار شوية، و خلاص كل واحد قال رأيه الحمد لله و خلص ضميره

محدش يزعل مني بس بجد هنا المكان الوحيد اللي بنقدر نتجمع فيه كلنا سوا و مش عاوزين نخسره

على كل انا كتبت الفتاوى لرانيا لان هي اللي سالت و زي ما انتم قلتم رايكم و جبتم فتاوى انا كمان كتبت رايي و جبت فتاوى مش من عندي و لا من هوايا مش لحد تاني و مش حابة حد يناقشني في اللي كتبته