ام زوجي راح تخرب بيتي عشان بقع هل من حل لمعاناتي>>بسبب البقع ؟؟؟ /// قديم

انا ابغا اتعالج لأنو بجد ام زوجي مرررة تحرجني حتى لما نتجمع مع اهل زوجي هما ماشاءالله يتجمعو كل أسبوع والله تكسفني قدامهم تجلس تقول شوفو البقع اللي فيها احد يعرف علاج يشيلها انا خائفة على ولدي يطق ويزهق من دا الشي
وربي مرررررررررررة اتقهر ونفسي اتعالج ال
يوم قبل بكرا بس عشان أقفل فمها عني دائماً ادعي في صلاتي انو ربي يشافيني وارتاح ...

يالله خير الفاظها كذا ؟؟؟
الله يسامحها صراحه عيب ماايصير وقبل العيب ياتقول خير او تسكت وش هالتجريح
عموماَ ماعليك فيها وخليك واثقه من نفسك اشتري زبدة الشياا وحطيها بجسمك كل يوم
راح تخف مع الايام البقع الداكنه وتصير فاتحه مره وجسمك راح يفتح ان شاء الله
وتقدرين تشغلين نظر زوجك باشياء غير البقع .. وانتي ادرى حبيبتي
لا يهمك كلامها واللي بوجهك حاولي تغطينه بالكريمات وجسمك البسي لبس كامل ورقبتك غطيها بسكارف حاولي ان استايلك يكون كذا في الجمعات معاها عشان تقفل فمها عنك لانها مره ماله داعي والله العظيم ايش هالالفاظ ..
الله يكون بعونك ويساعدك .. ولا روحي مركز وسوي تقشير كيميائي يشيل الطبقه الاولى من الجلد وبشرتي تصير نظيفه ونظره من نفس الوقت .. وماعاد يرجع كثير بعايلتي كان فيهم نمش وسووه وراح .. الله يكون بوعنك حبيبتي بس انصحك بالتقشير الكيميائي اسالي عنه وشوفي دعواتك دايم بصلاتك ( اللهم لاتجعل الدنيا وكلام الناس اكبر همي , اللهم جملني في عين زوجي اللهم من اراد التخريب بينا فرد كيده في نحره ) دعواتك لي ..

أهلين حبيبتي اسماء والله ردك فرحني ان شاءالله اروح في اليومين دي دكتورة جلدية اسألها عن التقشير الكيميائي ًياارب تكوني سبب في علاجي والله لأدعيلك ليل نهار الين آموت.
مدري انا أتوقع لأنو امو ماكملت تعليمها يمكن عشان كدا ماتعرف انو دا الكلام يجرح الشخص
افتكر مرة رحت معاها زواج والله يومها من بدري رحت الكوفيرة وسويت أساس جسم ب200ورجعت البيت وزدت عليه الحمدلله البقع ماكانت باينة وكنت فرحانة ولما كنا على الطاولة في الزواج اشرت على جسمي جهة البقع قالت دي الجهة لو تقوم تمسح الاساس تشوفو بلاوي من البقع مرة انقهرت يومها لأنو ماكانت واضحة ليش تتعمدي تتكلمي ولما رجعنا قلتلها في السيارة لاعاد تقولي لأحد عالبقع لأنو شي يخصني
والله فضحتني هداك اليوم واتصلت على ماما وجلست تخاصم وتقول عني مو متربية وكلاام كثييير
سرت حاليا أتحمل واصبر مهما تجرحني وأبكي وتدعي وان شاءالله ربي بفرجها عليا قادر على كل شي ...

أم زوجك كلامها جااارح ولاتسكتي لها قولي لها حرام تتشمتي فيني الدنيا دوارة مو زينة الشماته وأهم شئ اﻷخلاق و ولدك ماشكى مني وهذا أتعالج بس كفي شرك عني وخليني بحالي ،،

وأنتي لاتخلي نفسك عالجي مكان البقع عشان زوجك قبل مو عشان ام زوجك وأنتي تقدرين بطريقتك وثقتك بنفسك ماتخلينه يلاحظ انك متضايقة من البقع وقولي له كل شئ له علاج وبتعالج وبتروح مهي مشكلة كبيرة الحمدلله دامني بصحتي وعافيتي وأمك الله يسامحها على الكلام اللي تقوله لي ،،

والله ياهيامي شوفي تعليقي فوق لما كلمتها جلست تخاصم وسوتلي مشاااااكل الله يهديها الله يعينني ويشفيني ياارب
وبالنسبة لزوجي والله ماكان ملاحظ دا الشي أبدا الا لما امو سارت بس تتكلم عن دا الشي الله يسخرلي هوا يارب