المضيفة المصرية 3 * اتفضلي اشربي عصير و خديلك ساندويتش كمان!!

نورة الدوحة

اهلا وسهلا بك وتنورينا ان شاء الله بس اقوللك على حاجة فبراير اسكندرية بتمر بنوات والنوة دي لو ما تعرفيش بتكون عواصف ورعد وبرق ومطر شديد انا حضرت واحدة هناك في آخر فبراير وكانت اجارك الله مش عارفين نشد باب العربية نقفله فيما عدا كده اسكندرية في الشتا بتكون تحفة جدا وتمطر زى ما تمطر جميلة الخلاصة اعملي حسابك وهاتي لبس تقيل والقاهرة بقى فانت وحظك لأنها ساعات بتبرد وساعات يبقى الجو حلو وساعات موجة حر زى السنة دي كده اعملي حسابك على لبس خفيف وتقيل

ازيك يا ميرو؟ ما انا باخاف ارشها على الهدوم بتعمل بقع فيها، ده غير ان اصلا خبراء العطور بيقولوا انها تتحط على مناطق النبض و دي اكيد على البشرة مباشرة، بس مش دي المشكلة برضه لاني ممكن مستخدمش برفان، المشكلة اني مش عارفة ايه التغيير البيولوجي الكبير ده و جلدي بقى حساس من اقل حاجة حتى الهدوم. عارفة لما الاطفال يطلع لها حمونيل؟؟ حاجة زي كده

نوارة الدوحة، اهلا بيكي و منورة يا قمر و شكرا على نصيحتك بالنسبة للجلد. بس انا لو كنت اعرف رد على سؤالك صدقيني كنت رديت عليكي على طول، و كذلك اي بنت من البنات لان محدش فينا بيبخل على حد بمعلومة، بس المعلومة اللي مش باعرفها مش باقولها، و ما شاء الله اختنا سمسمة ردت على معظم اسئلتك

يا رووني، طيب احنا نجمع تبرعات و نجيبلك كاميرا غيرها بمناسبة رمضان، ايه رأيك؟؟ >>>> اوعي تصدقي يا رووني!!

يا رواء ابعتيلي ازازة برد من عندك :)

ايوة يا رووني انا فعلا بطلتها خالص من فترة، و ربنا يسهل و الحر يخف شوية و تختفي معاه الحساسية دي

احلام

بصي يا احلامتي انا قلت اني مش هادخل في نقاش بخصوص الموضوع ده
طيب
وبعدين انا قلت رأى العلماء اللي انا مقتنعة بكلامهم وباطبقه قبل كده اللي هو الغناء كلام حلاله حلال وحرامه حرام طيب

باختصار يعني لما الاقي اغنية بتتكلم عن مشاعر الاحرام والحج والعمرة لأم كلثوم واحدة بتقوللك اللي هويته اليوم واحد ما فيش غيره ملى الوجود نوره

او جينا على روضة هلة من الجنة فيها الأحبة تنول ما تتمنى قصدها الروضة الشريفة طبعا او تقوللك مكة وفيها جبال النور طلة على البيت المعمور اقسم بالله كل مرة عني تدمع واتذكر مكة والكعبة

فين الوحش في الكلام ده لو سمحتي ؟

انما برضه الاقي واحد عمال يتمايل ومعاه شوية بنات ........ وعمال يقول كلام كله اسفاف وهزل وقلة ادب غير المناظر اللي حواليه طبعا لازم يكون غلط حتى بالفطرة مش بس الحرمانية

لما ام كلثوم تغني قصيدة مصر تتحدث عن نفسها وتقول امن العدل ان تردون الماء صفوا وان يكدر وردي فين الغلط في لغة عربية جميلة من ابدع ما كتب في حق مصر؟

لما اغنية بتقول الله اكبر فوق كيد المعتدي وخلي السلاح صاحي وام الشهيد وفدائي وللعلم كلها اغاني حماسية جميلة الكلام والألفاظ فين الحرمانية؟

انا اتلكمت علشان ارد عليك ومتزعليش لو طنشت لكن مش هارد تاني في الموضوع ده وانا قلت اللي عندي (مش رأى شخصي لأ ده كلام علماء اجتهدوا وانا اخذت بفتواهم)