تباشير الفرح 4 لمواليد مارس وابريل 2015
متابعة النقاش، صفحة 348
شاركي في النقاش
سجلي الدخول لإضافة تعليق.
التعليقات
2,042- فيس يااا فيس و ينك ؟
- اكيد الباقي مفقودات علشان ويك اند
- انا غبت عنكم اليوم لان كان عندي معركه داحس و الغبراء مع بعلي
" ما ادري وش قصه هذه المعركه بس حسيت اسمها مناسب خخ "
المهم ما ارتحت الا بعد المعركه رغم ما خرجنا بنتيجه مجديه خخخخ
المضحك المبكي ان انا خلاص و صلت معي لان زوجي يطنش و يروح ينام و لا كانه يسمع
و انا من الامس اعصابي تالفه ... و منرفزه مررره ... قلت ما اتركه يناام اقلها ارفع له ضغطه
قمت سحبت جواله و قفلته و مفتاحه و خبيتهم ... خفت يحط حرته بجوالي و قفلت جوالي كمان وخبيته
و قلت له بنشووف كيف تجلس بالشقه بدون خرجه ... و انا اجلس طول الوقت مرره عادي
المهم طول النهار نتهاوش و كلمه من هنا و كلمه من هنااااك
و جوالتنا مقفوله .... و انا كنت مكلمه امي الظهر .. سالتني راح تجي قلتها ما ادري
و بعد المعركه استسلمنا ورجعنا اغراض زوجي له المغرب ... رغم كنت ابغى احبسه يومين
فتح جواله الا الف مكالمه من ماما وبابا و رسايل و اطير افتح جوالي ... و اتصل لامي و القاها خايفه و حالتها صعبه
طبعا تخيلت اني ولدت او شي
كان شووي و يجوا لنا الشقه خخخخ - رفيف وام نور مبررروك ماجاكم والحمدلله على سلامتكم والعقبى لنا ياااارب
ام هشوم انا كمان ناويه اخذ ابرة ظهر هالمرة والله يجعلها معينه لنا ولا تكلنا عليها
دمعة الله ماتشوفين شر ياقلبي والله يعينك مو وقته صراحة
ميدورررري مت ضحك على اللي سويتيه بس برافو خليه يحس ياختي - بما اني طفشانه واتابعكم صامت راح اكتبلكم اكشني
كالعاده رايحه موعدي مراجعه واوري الدكتور تخطيط عملته قبل اربع ايام من موعدي قالي معاك طلق منتظم لازم ضروري تروحين للطواريء تفحصين قلت دكتور الفحص يجيب ولاده قال الفحص اهون من الجماع ولايسبب ولاده قلت اوكي وطلعت طوالي للطوارىء
خفففت بالحيل قبل اروح لهم كنت حاسه بيمسكوني وماراح اطلع قلت دكتوره معاي طلق منتظم ابي فحص قالت اطلعي على السرير واصعد بأمان وتدخل ايدها وتعد واحد اتنين ثلاثه اربع تنويم ولاده وانا اللي استرجع واتراعد قلت دكتوره لسه ماجهزت شي قالت دايم التوينز يجيهم ولاده مبكره وبجيت شوي من الخوف وفصخوني ملابسي ووقعولي على الاوراق واتصلت على زوجي وقلتله الحمدالله على كل حال انا ولاده تعال عشانتاخذ اغراضي نزل ولدي حمودي ببيت عمه وجا طيران سلم علي ودعالي واخذ اغراضي وودعته💔
ارسلت لأختي الكبيره واتسب اني ولاده وبلغتها ماتعلم امي لأن وقتها الوالده حاجزه لمكة بتعتمر وماابيها تحاتيني وتخاف وماابيها تكنسل عمرتها دخلت التنويم ودكتور رايح ودكتور جاي وطلق منتظم والرحم فاتح ل6سم ومااحس بأي ألم ابببدا .. كل من شافني من الدكاتره استغربوا من هدوئي سبحان الله فضل من الله ورحمه من اول مادخلت غرفه الولاده وانا استغفر بنية تسهيل الولادة واذا حسيت بألم خفيف اكرر لااله الا انت سبحانك اني كنت من الظالمين وحجزوني ثلاث ايام يحاولون يوقفون الولادة لحد مااخذ كورس ابر الرئه اربع ابر في اليوم الثالث مع نهاية آخر ابره اشتد علي الطلق وقام يفتح ل7 و8 وانا كلما دخلت علي دكتوره قلت ابي ابرة ظهر في البدايه رفضوا لأني وصلت خلاص للولادة لكن ربي سخرلي وحده بآخر لحظه تعطيني ابرة الظهر وارتاااح آخر رااااحه وتجي تفحص الممرضه ولاتصيح راس البيبي وينقلوني للغرفه ويتجمعون حولي الدكاتره لان واحد منهم معترض ويشتد الطلق واحس بألم مع دفع واددفع بكل قوه تطلع حبيبتي البنوته الاولى بدون صوت ونتفه💔 ويحطون السونار يحاولون يطلعون الثانيه ويجي دكتور مصري الله يجزاه خير يلف بطني بكل قوه ولاتنزل رجول البنت تحت
اكمل شوي
مواضيع مشابهة
تابعي تجارب أخرى من هذا القسم.