شاركي في النقاش

سجلي الدخول لإضافة تعليق.

التعليقات

1,960

  5. @am_nyotn99

    الاكشن علشاني كنت احب اقرأ قصص الولادات بكتب لكم أكشني بالتفصيل يمكن احد يستفيد
    انا لي تقريبا 9 ايام وانا استخدم خلطة قمم التميز بس صراحة ما استفدت منها
    الاحد اللي فات رحت موعد وكنت خلاص كملت التاسع وسوت لي الدكتوره تحريض وعطتني فرصه للسبت اللي هو اليوم ولي اسبوع وانا امشي واشرب خلطة قمم التميز وحليب وزعفران وعسل على الريق بس ما جاني طلق طبيعي وامس بالليل شربت الخلطه و تروشت واستشورت شعري وتجهزت للحفله اللي بالمستشفى وقمت الفجر وتدهنت بزيت زيتون وحبه سودا وحطيت رجلي بماء دافئ لعل الرحم ينفتح وشربت حليب وزعفران وعسل
    ومشيت للمستشفى حسب موعدي مع الدكتوره عشان تبدأ بالطلق الصناعي بدري واولد بدري احسبه على كيفي
    وفعلا حطت طلق الساعه 7 ولا تتحركين ساعتين والرحم مفتوح بس 2سم وقعدت الى الساعه وحده ولا فيه اي بوادر طلق وجت الدكتوره وسوت تخطيط وعطتني طلق صناعي على الساعه ثنتين الظهر تحميله ثانيه وقالت الرحم مفتوح 2ونص بس وبدأ الطلق وكل ماله يشد واقول بروح للحمام ويرفضون لازم ماتتحركين ساعتين لين جت الساعه 4 وقالت صار 3سم وطلبت حقنه شرجيه وعطوني ورجعت أتألم وجت الممرضه وعطتني ابره مسكنه بالورك ومن الساعه 4 الى 5 وانا خلاص من الألم الله يكتب اﻷجر واطلب اكسجين وتجي الدكتوره وتكشف قالت 4سم الى 5 سم يالله على الكشك وبالكشك احس ودي ادفع والدكتوره تقول لسا الرحم مفتوح بس6 والطلق معي قوي والممرضات تنفسي ولاتدفعين وبعدين بديت احس من جد بالدفع ويجتمعون كلهم يالله والدكتوره معهم وفجأه صار الطلق بارد يمكن مع المسكن والاكسجين يجي حار وبسرعه يبرد يعني اذا دفعت برد ولاكملت والدكتوره والممرضات يقولون لا يا أختي ما يصلح كذا يحسبونه على كيفي واقعد ادعي ربي والطلق تسكر على راس الولد وهم يقولون يالله ادفعي وادفع وادعي والدكتوره توسع والممرضات يزيدون جرعة الطلق والحمد لله طلع من الساعه 5 الى الساعه 6 وانا بالكشك و الحمد لله طلعت المشيمه وخيطت الدكتوره والحمد لله على السلامه وعقبال الكروشات الله يهون عليهم بس اللي انا استغربته بالطلق الصناعي هذا كأنه طبيعي يعني تجي طلقه و وبعده فتره راحه وهكذا على انه في الاخيره تمنيت الطلق ورا بعض عشان اخلص بسرعه

تابعي تجارب أخرى من هذا القسم.