أول ليله أنام فيها بعيد عن زوجي

أول ليله انام فيهابرا بيتي من سنين..
سبحان الله فعلا يابنات تأكدت ان فيه رجال مايجون الا بالكرف والعين الحمرا..واذا سايرتيهم يحسبه ضعف منك ولو تنازلتي عن حقوقك لمره وحده الله يخلف عليك..

اكبر مثال عندي هوزوجي كان اول مايستلم قروش محترمه على طول من غير نقاش يكون لي فيها نصيب الاسد..
ومن طيب خاطر طبعاً بدون زن أو ضغط مجرد مااقوله ابغى المبلغ الفلاني يعطيني..راتبه١٠الف على قده طبعاً وماهو حريص على تجميع القرش ولا عنده خطط للمستقبل ولاشي..حياتنا عيش يومك بيومك..المهم نزلت الراتبين وقلت يابنت خلاص زوجك ماقصر وانتي خليه هالمره لاتطلبي شي حتى يعطيك وبشوف كم يعطيني
يمكن قد حكيت لكم اني على وشك ولاده ومحتاجه اغراض النفاس ونواقص للبيبي ولا انا من النوع المبذر ولامن النوع الي لازم حفلات استقبال ولا تغيير اثاث ولا من هالكلام كله..
وسبق قال لي انه بيسدد الشغاله كم راتب متأخر..قلت مو مشكله
اليوم جى يفاتحني ان عليه مخالفات بحدودال٣٠٠٠ وبيسددها
بعد..انصدمت لأنه لو سددها مابقى شي خلاص..
وقبل ينزل هالراتبين قام يفرجني الاخ على صورة طقم صغير نعووم يبي يشريه لي قلت مو مشكله ارضى بالقليل ماقصر معي اول..
وكل يوم كنت أقول اللحين بيقولي يالله نروح نشتريه بس اصبري على رزقك..اخر شي يفاجأني بهالكلام اليوم..
من غير تفكير روحت لميت كل أغراضي واغراض العيال وطلبته يوصلني بيت أهلي ولا ناقشته بشي..
أهلي سافروا البارح الرياض وبيطولون فقلت فرصه عشان ماابي اغثهم بمشاكلي وأشيلهم همي..طبعاً عارض بداية الامر اني اطلع ولما اصريت وداني بيت اهلي واعطاني فلوس الشغاله٦٠٠٠ وراح
وقال بكره بيمر للعيال يوديهم المدارس.
أحس ماصدق أزعل 😔