تباشير الفرح 4 لمواليد مارس وابريل 2015

https://m.youtube.com/watch?v=pIkbX4n_ibY

شوفو المقاطع خاصة التاسعويات

انا الي اعرفه لما تنزل السدادة ماطول الولادة كلها يوم او يومين

ربي يسر لك الولادة السهلة

دخلت المستشفى بنفس يوم العمليه طبعا كنت مره مستانسه عشان بولد وبفتك من الثقل وصحيت بدري وتروشت واستشورت شعري لكن لحظه ما انساها يوم سلمت على عيالي قطعوا قلبي بكيت وبكوا معاي خاصه زياد لاني صحيته عشان المدرسه ولا روضان سلمت عليه وهو نايم ونزلتهم تحت وسلمت على خالتي رقعدت بالحوش اسمع صوت اذان الفجر واقعد ابكي وجاء زوجي وركبنا السياره وعلى طول للمستشفى ودخلت جناح الولادة على 6 ولبسوني لبس المستشفى وعلى التخطيط وبعدها قالوا لي نامي طبعا النوم طار قعدت اقرا ورد الولاده وسورة البقره وعلى الساعه 11.45 قالوا لي يالله جاء دورك وعلى طول صليت الظهر ورحت وكان موجود دكتور سعودي من الحرس والدكتوره ايه وطبيب التخدير وقالوا لي مستحيل نسوي لك عمليه ببنج نصفي عشان خايفين من النزيف طبعا نسبة دمي كانت 12.5 وهي ممتازه بس قال لي الدكتور ان 90% من المشيمه المزاحه تكون مع الولادة نزيف والنصفي مايعطينا وقت بتكوني صاحيه وافضل لحالتي الكامل توكلت على الله وكنت ابكي وامسك ايد الدكتوره ايه واقولها تكفين لا تجرحونه عشان ماينتقل له المرض وكانت يهدي فيني طبيب التخدير وكان مصري ويسالني كيف انتقل لي المرض ؟ ويطمني ان فيه حريم واجد يولدون وماينتقل للاجنه وعطاني ابره بايدي ومسكنيي وقال لي سمي بالله وسميت وتشهدت ونمت طبعا صحاني طبيب التخدير على الساعه 2.55 الظهر فتحت عيوني على الم مو طبيعي بجسمي كنت احس بنار ببطني وابكي واصارخ وجاني طبيب التخدير وقال لي مبروك جبتي ولد وقلت له فيه فايروس ضحك قال لي ان شاء الله مافيه الا العافيه كنت ابكي وحمد ربي وقلت له ابي مسكن احس بوجع وبنار تاكل بطني قال لي ممنوع نعطيك اي دواء عشان الفايروس ونزلوني بالجناح ولقيت زوجي وعيالي وبكيت حسيت نفسي لوحدي ماعندي احد شعور غريب اول مره احس فيه كنت ابي امي وابوي وهلي كلهم ابيهم يوقفون معاي بس للاسف ماكان عندي الا زوجي وعيالي بس طبعا جاءت الممرضه قالت لزوجي يبيك دكتور الاطفال وراح زوجي وانا حاطه ايدي بقلبي جاء لي وقال لي انه الولد طيب ومافيه الا العافيه طبعا زياد وروضان قالو لي يمه ليش اخونا فيه التهاب بالرئه وانا انفجع شفيه ولدي ويهديني زوجي يقول مافيه الا العافيه بس عنده النفس سريع شوي وحاطينه بالعنايه وقعدت ابكي وادعي لولدي والووم نفسي اني انا اللي تسببت له شوي الا خواتي داخلين علي شفتهم وقعدت ابكي وكلمت امي وابوي بس كنت ابكي واقولهم انتم وينكم ليش تركتوني لحالي 😂😂 طبعا اثر البنج شالوا القسطره ثاني يوم الفجر ومن الفجر للساعه 2 الظهر وانا مارحت الحمام ولا مشيت قمت مع الممرضات ابي اروح الحمام مجرد ما وقفت الا وكان حنفيه انفتحت الا نزيف وعلى طول يغمى علي وشالوني على السرير وصحيت على الساعه 3.30 وجتني الدكتورة ايه قالت لي لازم نقل دم لك الحين وانا قعدت ابكي وارفض وكانت تقنع فيني وانا رافضه قالت لي ابي اكلم زوجك واخذت رقمه وكلمته على نقل الدم وكان رافض قالت له اجل تعال وقع اخلاء مسؤليه لان الكلى عندها تعبانه واذا ما سوينا نقل دم لها بيصير عندها فشل كلوي خفت وخاف زوجي وقال لها اجل عطونا دم كويس مو دم فيه امراض وعلى طول جابوا لي 4 وحدات دم ونقلوا لي دم وطبعا ماكانوا يعطوني مسكن بس ادول وادول ما يسوي ولا شي لي وجات لي دكتورة العلاج الطبيعي وكانت تحرك رجولي وانا على السرير وجابوا لي شرابات ضاغط غير ابر مسيل الدم وكنت اخذ 2 ابره باليوم والحمد لله على نعمة العافيه وان شاء الله ماتجربون الللي جربته ويبعد عنكم العمليات .

طبعا نزفت مع الولادة ونزفت ثاني يوم ونزلت نسبة الدم من 12.5 الى 7 وبعد نقل الدم وصلت 11 والدكتوره ايه جات عندي رابع يوم لي من العمليه وقالت لي الحمد لله اللي احياك طبعا مستشفى دله كان ممتاز وطاقم التمريض روووووعه غير عاملات النظافه وطبيبات العلاج الطبيعي يجوني مرتين باليوم يسوون لي علاج طبيعي كان ممتاز والدكتورة ايه الله يسعدها يارب وين ماراحت