الاكشششننن
يوم الاحد اللي فات من العصر بدأ طلق خفيف بس طنشته وقلت شكله من التعب عشان رحت اسجل بنتي وجلست في المدرسه دوام كامل رجعت مرة تعبانه المهم انا لسى جالسه فبيت اهل زوجي بيتي لسى ماخلصناه.. بعد العشاء قال عمي سوي لنا عشا شكشوكة والشكشوكه هذي لها حكايه عندي. المهم تعشينا ونمنا وكنت احس بالطلق ينتظم ويقوى واحاول اكمل نومي خخخخ على بالي بشرد من الولاده بس بعدين قلت يابنت حتولدي فمكانك ونطيت اشوف الساعه لقيتها 3 قبل الفجر وبدأت احسب وكان بين كل طلقه والثانيه 5 دقايق. وقتها صحي زوجي وقلت له. قال يلا تجهزي بسرعه .واقوم اتحمم بالمويه الدافيه وجري اجهز ملابس بناتي وألم عفشي انتو عارفين الوضع واني مشتته مابين بيتي وبيت اهل زوجي واغراضنا في شنط. المهم واستشورت بسرعه ولبست وخرجنا على بيت اهلي وحطيت بناتي وأخذت مامتي ورحنا ع المستشفى وحطولي التخطيط وقاست الرحم قالت 1 ومافي طلق في الجهاز وتحطممت شالت الجهاز قالت روحي شكلك لسى بدري عليك واروح البيت قامت ماما قالت امشي واشربي حليب بالزنجبيل والقرفه والزعفران وعملتلي اختي ترمس كبير ومترت البيت رايحه جايه اشرب وامشي والالم مازال .في المغرب شافتني ماما مرة تعبانه قالت نروح العياده اللي جنب البيت ولو في ولادة نروح ع المستشفى. رحت قالت الدكتورة الرحم برضو 1 وقالت روحي يمكن يبغالك اسبوع اسبوعين انقهرررت من كلامها انا متأكدة اعرف انو طلق ومنتظم كمان ماما تقول اش بك شمقتي للدكتورة هههههه
رجعت البيت وانا خلااص يائسه قلت بارتاح وماحمشي ولا اتعب نفسي ومتى ماتجي الولادة تجي بس الطلق ماريحني كل شوي تزيد قوته .
الساعه 10 دخلت الحمام وانا اغسل نزلت السداده ومعاها شويه دم والطلق صار كل 3 دقايق ورحت قلت لاختي قولي لاخويه يوديني المستشفى وقولي لماما تتجهز وغسلت وجهي وافتح عيني الا قدام وجهي ماما وبابا واخواني واخواتي وعيال اختي وبناتي هههههههه اللي ماسك العبايه واللي ماسك الشنطه ولبست وخرجنا واتصلت على زوجي قلت له لوفي ولاده اكلمك تجي.. واخويه يتريق يقول لو رجعوك دحين تككي في السيارة لاتخلينا رايحين جايين
في المستشفى حطوا التخطيط وبان الطلق منتظم وكل ماشفت التخطيط يطلع فوق انبسسط تعقدت لمن يقولوا مافي طلق. جات الدكتورة وقاست قالت مفتوح من 4 الى5 الحمدلله وبدأت اجراءات التنويم من لبس و مغذي وغيره ودخلوني غرفة الولادة معايه ماما واستدعوا دكتورتي سحر وجلست تقريبا الى الساعه 1 وقالت الدكتورة المناوبه دكتورتك تبغاني افتح مويه البيبي وهيا خلاص جايه بعد شوي..
بعدما فتحت المويه اعطتني ابرة في العضل وبدأت ادوووخ واحس الطلق خف ألمه شويه بس مانمت جلست ادعي وكل شوي اشيل الكمام واقول لماما ترى انا صاحيه بس ابغى ادعي والساعه 2 جات دكتورتي ويلا دفي.. دفي.. ودفيت كم مرة الين طلع الراس
واعطوني محلول في المغذي ونمممت ..
صحيت تقريبا 3 وربع دااايخه.اسمع صوت بكى البيبي وصوت جهاز يصفر بس مو مركزه واشوف الدنيا تدوووور وماما واقفه قدامي تصورني وابغى اثبت عيني ماني قادرة بالقوة اتكلم احس مااقدر امسك فمي احسه بيطيح خخخخ واقول ماما بطلي تصوير شكلي مبهذل وهيا تضحك قالت انتي ولدتي؟ تبغاني اتلكم والخبط عشان تصور
قلت لها من جد ماما انا ولدت ولا لأ قالت امسكي بطنك وجلست احس بطني بس لسى شاكة ههههه
وشويه راح مفعول المخدر وشفت البيبي عندي وشلتها ياقلبي تجنن الله يحميها ويبارك لنا ولكم فيما اعطانا..
والحمدلله على كل حال كشفت عليها دكتورة الاطفال وقالت تحتاج جراحة في العضو واعطونا موعد الاسبوع الجاي مع دكتور الجراحه..
💙💗تباشير الفرح 5💙💗لاحلى مواليد mar&Apr 2015h//استوفى الرد
متابعة النقاش، صفحة 32