الحمل ولقااافة الناس

بالنسبة لي اول مااعرف اني حامل ابشر امي وخواتي وأهل زوجي يدرون من زوجي واذا طولت مارحت لهم يكون بطني خلاص واضح 
وبصراحة مااحب اخبي الحمدلله كل الناس تحمل وتولد وبالعكس اغلب الحريم قرفانين من البزورة 
واللي يسألني متى شهري اعلم بالصدق ولا أحب اكذب والحمد لله تتم ولادتي بكل خير 
اما اللي تسأل عن جنس الجنين اذا حبيت علمتهم واذا ماحبيت أعلمهم اقول الطفل مسكر رجوله مو واضح وبالنهاية أستودعي الله جنينك ومو صاير الا اللي ربي كاتبه 

الصراحه انتم معطين الناس اكبر من حجمهم

والله حملي اهلي اهل زوجي أخبرهم

والباقين يشفون بطني ويدرون اني حامل

وجنس الجنين اذا احد سألني اقول عارفه بس منب معلمه ليش اقول ما كشفت او مسكر رجوله

وبأي شهر انا اعلم عادي

على بالك انو اللي محد يدري انها حامل الين التاسع ماشاءالله هههههه ليش عادي

اعرف وحده توها والده تفاجأنا كلنا انها كانت حامل😳حتى اهل زوجها وربي خبت عليهم والكل اتريق عليها ممكن الوحده تخبي الين يثبت حملها يعني بعد شهرين ثلاثه عاااديي الناس خل تدري بالعكس شي حلو المهم الخبر ينتشر من اللىي حولك اهل زوجك اهلك اللي يشوفك او انتي اللي تخبريهم صديقاتك اقاربك طبعا مو الوحده تمشي وتقول انا حامل خلاص هيه تجي في عرض السوالف
واذا سالو اي شهر علمي بالصدق ليه لو كذبتي يعني ماببيحسدونك والصدق بيحسدونك والا ايش بالضبط!!مهم دارين انك حامل حامل
اما نوع الجنين هذا اللي عادي براحتك تخبين تعلمين شي راجعلك بس يعني لو من اقاربك صديقاتك ماشوف انه مصيبه بس لو وحده ملقوفه من برا وتجي تسال مالها داعي
وانا ماخبيت الصراحه ماحب اللف والدوران

بس فيه ناس ماتستااااااهل تعرف اي شي. عنك
مثلا انا فيه ناس يقربون لزوجي كنت اتمنى فعلاً
انهم مايعرفون متى حملت وانا باي شهر ووولايعرفون نوع جنيني لانهم مايتمنون لي الخير ولايفرحون بالشي هذا وهمه بس يعرفون كل صغيره وكبيره بحياتنا وكان هدفي اغيضههم بس للاسف ماقدرت الاخبار تنتشر ويعرفون كل شي من امهم اللي هي جدة زوجي 🔪🔥

لا انا مابقوول لااحد لين يشوفو بطني بالخامس اوالسادس.واصلا مايسالون واذاسالو ليش ماانتي حامل وانا حامل اقول الله يجيب الي فيه الخير.واذاشافو بطني محد يتكلم اويتجرء يقول ليش تخبين حملك لان الكل يخبي بس العزايم والحفلات تفضح خخخخخخ . اما نوع الجنين اعتبرها حريه شخصيه شدخلها تسالني ولد والابنت؟؟؟واذاسالتني اقول اهم شي يكون بصحه وعافيه وكلهم واحد.

انا اقول من ثاني شهر بس استغرب بالحريم ما يعلموون