لقــــــــــــــــــــــــــــ ـــــــــاء الأحبــــــــــــــــــــــة (الجزء الرابع)

مرحبا يا احلى صبايا ..

كيف الحال ..

منورة امون ... يعطيكي العافية يا رب ... و الله يهديلك بنبون ... هي مسكينة متعودة انو كل الدلال و الاهتمام الها و هلأ اجت الامورة تشاركها .. خير ليش بتاخدي مسكنات ؟؟


مهى ... زمان ما بينتي ... مبروك الشغل .. الله يوفقك يا رب

وين بقية الصبايا مختفيين ...


يمكن بكرة انزل عالبترا انا و اهلي و دار عمي .. و بنرجع السبت بازن الله.. تغيير جو

http://www.jubailnet.com/vb/forumdisplay.php?f=19
لقيتلكوموقع تفسير احلام ثاني من المنتدى
السلام عليكم اول اشي

ترجعي بالسلامة نابلسية !!!! بس ديري بالك عالبيبي ترى الدنيا حر كتير بالبترا .

مشكورة أم منى على الموقع . ولو اني أحلامي عادية مش محتاجة تفسير بس ممكن نحتاجه !!!

اهلا صبايا ...

ان شاء الله مهى ما رح اعرضه للشوب او الشمس ... اصلا انا رايحة بس اغير جو و معظم الوقت حضل قاعدة بالاوتيل ... مش رح اروح عالبترا و الخزنة لاني رايحاهم كتير ..


سؤااااال .... ايمتى ابدا ادخل لعمر اكل و شرب غير الحليببب ؟؟؟
يا ريت كل اللي عندهم خبرة يفيدوووني ...

اهلين مهى نورتي و ان شاء الله الشغل الجديد فاتحه خير عليكي يا رب

لكل اللي سالوني عن احوالي الحمد لله امور الحمل مستقره و الوحام خلص و عندي الترا ساوند بعد اسبوعين بناء على طلبي لانه هون بفحصوش الترا ساوند غير مرتين الاولى بدايه الحمل و الثانيه عالتاسع

نابلسيه بكير عليه عمر على الاكل و لا تحاولي تدخليله اشي قبل 4 اشهر و نص و حتى للخامس افضل
و بلشي بسيريال الرز و ابعدي عن السيريلاك المحلى اللي بحبوه ببلادنا و بعد الرز بشهر ممكن تعطيه خضره مسلوقه كل نوع لحال لحتى تتاكدي من عدم وجود حساسيه لا سمح الله و ممكن تبلشي اللبن على السادس و الثامن صفار بيضه مع اللبن و العصير لبعد الثامن مخفف لازم نص بنص مع المي
و بهاي الفتره ملحيله الاكل اشي بسيط عشان يتقبل بعدها اكلكوا بالبيت و بعدين فكري بالاشياء الحلوه لما تتاكدي انه حب الطبخ و استساغ المالح عشان ان شاء الله ما يغلبك بالاكل و يوكل كل اشي

هذا اللي بتذكره و بكره برجع اسالك لما يجي البيبي بكون ناسيه كل اشي