واخيرا..شفنا شي لنوره الفايز!!!!

استغفر الله لية تدعون عليها .. وش قالت المسلمه عشان رياضة .. يختي العقل السليم في الجسم السليم .. وكل امر له سلبيات وايجابيات ..

لا مب علشان الرياضه.. علشان انها تستهبل
ماتشوف و ش كثر مشاكل التعليم والخريجين بالملايين والمباني المتهالكه ووووالخ

جات على الرياضه يعني..

حسبي الله عليها وكفى

ياليتها ما تكلمت.. تبا لها نبي وظائف :( حافز ذلنا..

صح انا معاكم في كل كلمه قلتوها وضع التعليم سئ وضع المباني اسوا وسالفة ندب المعلمات والخريجات متكدسات تدمي القلب وسالفة جمع المراحل في مدرسه واحده على فترتين ونحن في اغنا الدول يندا لها الجبين و و و و و الخ لكن هذا مايمنع يكون في *** للرياضه تتعلم فيها الطالبه شي ينفعها جسديا وغير كذا لاتنسون روح المنافسه اللي راح يكون بين الطالبات اي فصل هو الفائز غير الترفيه الذي سيجدونه بعد ضغط الحصص والمواد الصعبه ياخواتي الله يهديكم لاتكونون من اللي يحب يعارض ويقول لا وبس اصلا هذا هو ديدن المجتمع السعودي منذو القدم اي جديد لابد وان يجد معارضه شديده لكن مع الايام نكتشف انه من الأولويات بل حتى من الاشياء التي لانستطيع الاستغناء عنها ،،،

ومين قالك ان احنا نمنع بس العقل والمنطق ...يقول ...
ان هناك اشياء اولى من اشياء اخرى..
والله في مدارس مكدسه البنات بالفصول من وين بيفرغوا لهم فصل زياده ...
عاد الميزانيه اللي بتصرف على الاجهزه ...
في هناك اولى بالصرف عليها...
وبعدين ايش فائدة الرياضه ...والمقصف مليان بلاوي ...
والمباني متهالكه ...والبيئه سيئه لسكن الطالبات
حدثوا العاقل بما يعقل ...
اي جسم سليم بنبيه والاساس غلط من اكل لبيئه فاشله
هذي مشكلتنا بهالبلد نطير بالقرارات بدون موازنه وبنايه من الصفر عشان كذا ماتستمر ...او تكون نتائجها سلبيه...
اللي يبغى يبدأ مشروع لازم يخطط له من جميع النواحي ..
مو قرار ونزلته ...
فرحانه الاخت بالمدارس الاهليه ...اللي امورها تمام هال*** مجرد شئ زياده وترفيهي ...
اما الحكوميه الاساسيات مو موجوده ....
لاتنسوا ان بناتنا يقضوا وقت بالفصل والتدريس ...اللي المفروض يكون مشاريع نوره الفايز عليها ..اكبر من كم ساعه طالبه تقضيها بالرياضه...