تجمع حوامل اللي مشيمتهم نازلة نفيد ونستفيد

السلام عليكم ورحمة الله وبركاته

حبيت افتح هالتجمع لكل واحدة حامل عندها المشيمة نازلة
لاني حامل في الشهر الرابع وعندي المشيمة نازلة
حبيت كل واحدة تقول تجربتها وهل ارتفعت عندها
وهل التزمت الراحة التامة
لان الدكتورة قالت لي لازم راحة تامة وماسوي شئ
والله يا بنات مليت
ماعندي احد يساعدني ولا اهل يساعدوني
وماقدر اجيب شغالة
وعندي ولد وبنت يبغون رعاية
وبيت يحتاج تنظيف
وزوج يبي طلباته
وانا مو عارفة وش اسوي
هل ارتاح واطنش الشغل
او اتوكل على الله واشتغل
مدري بليز كل واحدة عانت من هالشئ
تحكي لنا عن تجربتها
ربي يرفع مشيمتي ومشيمة جميع الحوامل
اللي نازلة عندهم
انتظركم...

75 تعليق 145,194 مشاهدة

شاركي في النقاش

سجلي الدخول لإضافة تعليق.

التعليقات

75
  1. @ahasys_50

    الله يسهل ان شاء الله
    حاسه فيك صح عندي ولد واحد بس ماجلس بالمره منه
    اللي سمعته من الدكاتره ان طبيعي المشيمه تكون نازله في الاشهر الاولى لان الرحم صغير ولسى ماتمدد
    الا اذا كان النزول شديد وقريب للرحم فهذا شي ثاني
    انا بحملي هذا عرفت ان المشيمه نازله عندي في الرابع كمان بس الدكتور ماخوفني ابداً وقالي طبيعي بس انتي حاولي ترتاحي وماتشيلي ثقيل وامورك طيبه بس انا جلست قرابة الاسبوعين ببيت اهلي لاني بشقتي انكرف كراف
    حتى الالمم بطني وظهري خف بعد مارتحت
    ومع الشهر السادس قالت لي الدكتوره المشيمه ارتفعت
    والحين انا بالثامن وكمان مرتفعه بس الدكتوره ماتبغاني اسوي مجهود لاتنزل مع ان مامنه خوف
    ف اذا انتي تقدري ترتاحي واطنشي بعض الامور كم يوم وبعدين بكم يوم تشتغلي فيها
    او خلي زوجك يساعدك اذا يقدر بس لازم ترتاحي وتخلي رجولك مرفوعه
  2. صاحبة الموضوع
    ما شاء الله تبارك الله
    حلو ان الدكاترة ماخوفوك مو مثلي حذروني وقالوا لازم راحة تاااااااااامة
    بس هم ما يحسون فينا
    البيت يحتاج تنظيف والاولاد لرعاية
    الله المستعان بس
    وياختي الزوج مامنه مساعدة يلا يقوم بوظيفته بس
    الله يفرجها علي وعليك وعلى جميع الحوامل
    وجزاك الله خير على التفاعل ونصيحتك ربي يسهل لك أمورك
  3. الله يقومكم بالسلامه انا مثلكم تنزل عليه المشيمه ببداية الحمل وتسمى المشيمه المنزاحه بشكل جانبي يعني مو كامل وعلئ تحت هذي ماتخوف وترتفع لفوق كل مازاد الحمل ابدا باذن الله ماتخوف وكنت اقوم بوجباتي المنزليه اطبخ انظف بس ما انحني ولا اشيل ثقيل ولا ادف اي شي بس عندي شغاله تنظف المطبخ تخلصه وتروح لان الدوخه متعبتني يعني مو متعبه نفسي كثير اهم شي لاتقلقو منها وباذن الله ترتفع من غير سؤ
  4. صاحبة الموضوع
    يعني عادي اشتغل في البيت اطبخ وانظف !!!!!!
    طيب ليش قالت لي الدكتورة راحة تامة ولا تسوين شئ
    يمكن المشيمة عندي ماهي مثل حالتك جانبية
    الله يسهلها علينا
    وجزاك الله خير على ذكر تجربتك
    طمنتيني شوي ربي يسهل عليك الحمل والولادة
    ويقومك انتي وجنينك في خير وصحة وعافية

تابعي تجارب أخرى من هذا القسم.