ابي شوركم ياأمهات : (

اختي الفاضلة

توكلي على الله وما تخافي

الطلق الصناعي نفس الطبيعي ، انا جربت هيك وهيك

الطلق الصناعي عبارة عن تحميله مهبلية تضعها الدكتورة لك ، شوي مزعج هذا الامر - مزعج مش مرعب
بعد هيك راح تبدأ تيجيك مغصات مثل الدورة ، وبعدين تشد لتصبح طلق ولادة

اذا مش راح تأخذي ابره الظهر ، اتفقي مع الدكتورة تعطيك ابر مسكنة للألم لما يشد الطلق
وكمان الكمام بيريحك شوي

ربنا يهونها عليك وتقومي بالسلامة

تقبلي تقديري

كلامك يريح الله يريح قلبك حبيبتي ويسعدك شاكره لك اختي روز

الطلق اذا كان تحميله عن طريق المهبل هادي بالعكس مايالم ولا شي جربته على بكري مع اني متخوفه منه من كلام الحريم انك تشوفين الموت صراحه ماشفت منه اي مضره بالعكس ولاده عاديه وافكر اخذه هالمره بعد لكن مع ابر مسكنه لان الالم لابد منه هذي ولاده مو حي الله لكن فيه حريم يقولون الطلق اللي بالحقنه في المغذي هي اللي تذبح عاد انا ماجربت
الله يسهلك يا اختي الولاده الميسره والسهله وكل الحوامل يارب

الله يهون عليك قلبي ذكرتيني باللذي مضى بكريه و قالو لي طلق صناعي
ولله ياني خفت خوف كل عظامي ترتعش وكتشفت الموضوع ما يستحق كل هالخوف

حبيبتي صلي ركعتين لـ الله قبل تروحي المستشفى اطلبي منه الهون و التيسير
وامك لا تعلمينها وحتسبي هذا من باب البر بالوالدين علشان ما تحاتي وقولي ياربي ما علمتها برا فيها
فرحمني يا الله

صدقيني الموضوع سهل انا سمعت من الحريم انو الفحص موتن حمر و يوم جربته ولله ثم ولله شي لا يذكر
نغزه بتجربينها اكيد و بتذكرين كلامي بس رخي اعصابك وقتها وخذي نفس عميق لا تشدين نفسك

اما الطلق الصناعي حاجه يحطونها بالمهبل ما توجع ابد ابد بس شعور مزعج مثل ما قالو لك يعني مثل
حرقه لا تذكر تحسين مثلها كثير بالايام العاديه لو كان معك التهاب بسيط بالبول و احيانا تصير بعد الجماع
شي لا تحطينه في بالك من انسانه مجربه الطلق الصناعي قبل سبع شهور

بعدها تجيك تقلصات مثل الدوره اول كم ساعه عاديه جدا لكن للامانه بعدها يشد معاك ولله لا يكلف نفس الى وسعها
الله عارف قدر تحملنا وما يكلفنا فوقه

لا تخلين اول طلقك منسدحه لا امشي بيريحك ويخفف التقلصات شوي
وفي كمام و ابر مسكنه لا تاخذينها من البدايه خليها من بعد الاربعه سانتي

انا كان معي زوجي بس و قتها تمنيت حتى هو ماهو موجود لانه وترني زوجي من النوع الي يشيل هم
و يتوتر مرا زادني توتر

و الامر سهالات يالغاليه و صدق الم بس وراه نعمه و سعاده باذن الله وهالنتفه من تشوفين عيونه او عيونها بتنسين
كل الالم و تقولين يارب متى الطلوق الجايه بس

الله يهون عليك و يسهل لك

اي ترا بيحطون لك من بعد سته سم طلق ثاني بالمغذي بس سهالات ان شاءلله

نامي كويس قبلها و افطري زين شي صحي لاني من الخوف ما نمت ولا اكلت و تعبني هالشي اكثر من الطلق
ما كان فيني حيل

وبتجين تقولين قصتك ان شاءلله بعدها و تقولين مثل كلامي كنت خايفه و شايله هم بس طلعت سهالات من رب العالمين