تجاربكم مع جهاز مراقبة الطفل عن بعد،،

السلام عليكم،،

صبايا ياحلوين اخباركم؟!

حابه استفسر عن جهاز مراقبة الطفل اللي يكون بالصوت،،لما يكون طفلك في غرفه وانتي بغرفه او بالمطبخ تسمعينه اذا بكى ومايحتاج تروحين وترجعين عليه كل شوي بس طبعاً لازم تمرين عليه احتياط😁،،

المهم انا شريت الجهاز من ماركة Graco من جربها واللي جربت اي نوع ثاني ياليت تفيدنا بتجربتهاا؟!

وجزاكم ربي خير🌹

4 تعليق 3,651 مشاهدة

شاركي في النقاش

سجلي الدخول لإضافة تعليق.

التعليقات

4
  1. @ttawliya

    أنا صراحة ما جربت لكني ابحث ووجدت في تويز أر آس ستة انواع أسعارهم تتفاوت من 229 ريال الى 1449 ريال والفرق بينهم بالماركة ووجود الكاميرا وجودة الصوت
    الماركات المتوفرة
    Philips
    Tommee tippee
    Kiko
  2. @mrsabk

    أنا عندي من فيلبس اللي معاه كاميرا مجربتنه حق بنتي .. وايد حلو لكن ارساله ما يتحمل البيت أبو طابقين ..

    عندي نوعين الحين واحد اختي جابته من المانيا .. وواحد اشتريته أنا من فترة

    الاثنين ما جربتهم لأنهم للبيبي المنتظر ان شاء الله
  3. mrs.abk
    أنا عندي من فيلبس اللي معاه كاميرا مجربتنه حق بنتي .. وايد حلو لكن ارساله ما يتحمل البيت أبو طابقين .. عندي نوعين الحين واحد اختي جابته من المانيا .. وواحد اشتريته أنا من فترة الاثنين ما جربتهم لأنهم للبيبي المنتظر ان شاء الله
    انا جربت افنت صوت وكاميرا ممتاز وريحني كثيييير 
    اخذته حول 1400 قبل التخفيض 
    بس ارساله مو قوي ما يوصل الدور الثاني 
    وما اظن ينفع للاطفال اقل من 3 شهور لان حركه الطفل مو كثيره
    والكاميرا الليلية مو واضحة كثير وممكن الطفل يشرق وما تنتبهي له. 
  4. @mlk_thaty_1

    عندي نوع ثاني من سنتر بوينت صوت فقط , واذكر سعره مو غالي حول 300


    مره مفيد ومريح , ولان بيتي صغير ماعانيت من مشاكل بالارسال


    وكنت احيان احطه قريب من فراش بنتي بحيث لو بس تحركت يلقط الصوت واروح اشيك عليها

تابعي تجارب أخرى من هذا القسم.