السلام عليكم ورحمة الله صباح الخيير ☀️🌻 صباح مشرق بنور الله وهداه ..
اخواتي مالكم بالطويله انا من امس وانا ضايقه وواصله معي ...!
افكر بحالي .... زوجي بس يحتقرني وينزل من قدري ....! دايم
ماادري وين عقلي كنت سامحه له يتمادى ..؟!!!
توي امس صحيت على حالي
ندمت اشد الندم ....!!
(( هو بوصلته جنوبي )) عصبي نكدي في كل كبيره وصغيره يتدخل
امس كنا عند عزبة حلالهم واناقشه وهو صاد عني ... ناديته
قال اسكتي الحلال اهم منتس ..) 😒
ماادري وش حده على هذي الكلمه الي مالها داعي
لا وبعدها نام على طول وخليته ينام حزنت شكله تعبان ( طول فترة نومه جالسه مااتحرك ظهري يولمني)
بعد اكثر من نص ساعه يقوم مفزوع ويزابد وليش خليتني انام و و و
قلت هذي جزاتي؟!
شكله يدور علي الزله
هو كذا مع اهله واخوانه دايم يقط كلام ولا يقدر تعب الي قدامه ابد ..!
المكان الي يجلس فسه ينقلب هواش ومزاعق
لان يقط كلام يسم البدن
يستفز الي قدامه بشكل ...! ويحاول ينتقم بطريقه بارده
والناس ترد عليه وتغسله غسل
يبدا هو بالصمت مايرد خلاص ... يكتفي يناظر جواله
اموت قهر ليش كذا ؟!!!!
كيف اتعامل معه ؟؟ كيف اردعه يحترمني ويقدرني
راح يجبرني اتعامل معه بقسوة
لان على مااعتقد الطيبه ماتنفع معه !! ولايقدرها
يشتهي المشاكل والسب
يرتاح يحصل على مبتغاه
لاتردون بتريقه لان اتكلم جد ومتضايقه ....!
ابي طريقه حل مع هالادمي
قبل كنت اظنه مظلوم ومسكين وضعيف لان اشوفه بكل جلسه يصارخون عليه ويسبونه
كنت احزن لحاله
اكتشفت العله فيه ... كررررررهته
اذا فيه تعامل معه يغيره
ولا مافيه الا اتركه لعل الله يعوضني ..!
واتحسر لما اشوف اخوانه مع زوجاتهم وكيف الاحترام متبادل والحب
والهدوووء ..
وهو حتى مايطالع فيني ... !
دايم اتمنى يشوفني ابي اشر له على شي او ابي اسولف معه ...!
معطني طناااااش