اللي دخلت الشهر التاسع تتفضل هنااا

السلام عليكم
كيف حالكم حبوبات .. ان شاءالله تمام
وكيفكم والانتظار .. مخيف ومتعب صح .. الله يتمم لي وايااكم بالخير
ويسهل علينا ولاداتنا يارب

ودي نجتمع هنا علشان كل وحده تقول اللي تحس فيه
وكم لها من يوم داخله الشهر التاسع .. وايش طبيعتها
يعني تكمل الشهر التاسع في حملها والا تولد بنصه

انا عني تو من يومين داخله التاسع وطبيعتي اكمل الشهر
التاسع
بس هالمره احس غييير .. احس اني بولد بنص الشهر
احس بثقل مو طبيعي .. حتى اخر مره سويت سونار
قالت لي الدكتوره احتمال ماتكملين الشهر
لان البيبي نااازل
بس اللي متخوفه منه .. اني لسى ماجهزت نفسي التجهيز
الكامل
ودي اشتري اواني للتقديم والضيافه جديده ..
بس لان عندي دوام والتعب مايخليني اطلع واخلص شغلي

ان شاءالله احاول اخذ اجازه علشان اتفرغ لنفسي واخلص
اشغالي ..

22 تعليق 64,759 مشاهدة

شاركي في النقاش

سجلي الدخول لإضافة تعليق.

التعليقات

21
  1. انا خلصت التاسع لي تقريبا 7 ايام والمشكله الراس نازل وكل شي تمام والطلق يجي ويروح تعبت من الثقل حتى دوامي ماعد قدرت اداوم ونفسيتي تعبانه هاليومين ما خليت شي شربت حلبه وبابونج يانسون عسل مشيت مافيه فايده والعجيب الاسبوع اللي فات رحت عندي طلق بس متباعد طلع الرحم مفتوح سم بس اول مره يصير معي انا ما اكمل التاسع عندي 4 اطفال ماصار لي كذا ابد اللهم لا اعتراض احس خلاص طاقتي انتهت والحيل انهد الله يفرجها علينا وييسرها ويفرج كربنا 
  2. @alghoody

    صاحبة الموضوع
    الله يهون عليك حبيبتي
    وان شاءالله ربي يفرجها عليك وتولدين بالسلامه وتبشرينا
    ان شاءالله
    روحي لدكتورتك اخاف التاخير مو في صالحك .. وجربي تبخري

    الله يسهل عليك يارب
  3. انا خلصت التاسع اليوم ومافي اي بوادر طلق مفتوح الرحم 1 سم بس وتعبت من الثقل والحمل اللهم لا اعتراض ودي اولد وارتااح
    وووودي اتبخر بمره بس خاايفه سمعت انه تفتح الرحم وشرايكم
  4. @alghoody

    صاحبة الموضوع
    انا اسمع كثير يتبخرون بالمره
    لان بعضهم يقول انه احتمال يكون عندها شمم
    وهذا اللي سبب تاخر الولاده
    عليكم بالتمررر .. والدعاء
    الله يسهل عليكم وام شاءالله الصبح تبشرونا بولادتكم وخلاصكم
    بالصحه والعاااافيه
  5. @roji_w_1

    يارب سهل علينا كلنا وصبرنا وقت الولاده
    انا مخلصه التاسع لي 10 او 14 يوم بالعاشر
    ومعطيني اخر فرصه الاثنين الجاي عشان اولد
    طبعا الطلق يجي ويروح والرحم مقفل
    مافي شي ما شربته
    والمشي مشيت الين انهد حيلي كل يوم 3 او اقل كيلو مشي
    تمر كل يوم والبيبي نازل في الحوض بس استنى الرحم يفتح 😪
    الله كريم

تابعي تجارب أخرى من هذا القسم.