وش كبر فرحتي اليوم

صباح الخير .فيه واحد صديق زوجي له 15 سنه ماجاله عيال وانا ما اعرف زوجته بس واجهاتها مرة وحدة بس . عاد انا من يوم ما نحرمت من الحمل وانا افكر فيها اقول وش شعور هالانسانه وهي ماجربة الظنى اذا انا وعندي عيال احس ابي الحمل وكل شهر اترقب الحمل واحزن اذا جت الدورة واحيانا ابكي ووالله العظيم كل ما بكيت مايذكر علي الا المحرومات من الحمل واقعد ادعي لهن ما ادعي لنفسي واخص هذا صديق زوجي  وزوجته اخصهم بالدعاء واكررة لحد ما اتعب واروح انام وعلى هالحال لي سنه وشوي واليوم يبشرني محمد ان حمود جاله ولد وسماه عمر يالله وش كبر فرحتي حسيت ان حملها من دعواتي لها وهي ماتدري يمكن ما واجهتها الا مررة وحدة هالانسانه سبحان الله 

اللي ابي اوصله انه لا تتركن الدعاء لاخيك في ظهر الغيب تراها تستجاب سبحان الله لاتبخلن بدعوة حتى لو ماتعرفينها مجرد صادفتيها وحسيتي هذي محتاجه دعوة 
الله يرزق كل محرومه يارب ويفرح قلبها بشوفة ظناها 

6 تعليق 1,126 مشاهدة

شاركي في النقاش

سجلي الدخول لإضافة تعليق.

التعليقات

6
  1. nounou7
    كثر الله من امثالك مبروك على صديق زوجك وعقبالك الفرحة
    سبحان الله انا مثلك عندي انسانه عزيزه علي

    وقلت بشهر رمضان بخصص في العشر الاواخر كل ليلة اصلي ركعتين وادعيلها

    يمكن تصادف ليلة القدر

    والحمدلله حملت اللهم لك الشكر الله يتمم لها على خير وتقوم بالسلامة

    ويرزقها باللي تمنى

    وفعلا الدعاء من قلب وبظهر الغيب الله يستجيب له

تابعي تجارب أخرى من هذا القسم.