الاستغلال المادي 😩 كرهت اني موظفة

راتبك خشيه على جنب ولاتصرفين ولا ريال منه للبيت وقولي لزوجك عندي مشروع ابي اجمع مهما احتجتي اشيا اساسيه للبيت لاتصرفين استحملي زوجك واهله متطمنين بفلوسك خليه كم شهر تخلص فلوسه على اهله وينتبهه لنفسه انهم استغلوه وفلسوه اصبر لاتطلعين ولا قرش ونفس الوقت لاتتذمرين من اهله عشان مايعرف خطتك
او قوليله دخلت بالراتب جمعيه ودوري بعد سنه وبعد فتره قولي انسحبت

كل واحد يمد رجوله على قد لحافه مو لازم كل هذي الرفاهيه اذا ماعندهم انتي وعيلك اولى بفلوس زوجك ولا مانع من مساعده امه وابوه بس مو لدرجه هذي

هم لو محتاجين كان جزاكم الله خير اما ادفع لسواق ؟؟ وقسط مدرسة ؟؟ وهدايا بطرنه كذابه

باختصار الي انتي فيه ظلم و ل استمريتي بتضيعين و بتمر السنين و انتي محلك سر لا استفدتي من الوظيفة و لا شي و بالعكس بتصير نقمة عليك

و لو خايفة من المواجهة مع زوجك الي بالتأكيد بيقاوم و بيزعل عليك لانه تعود احسن حل روحي شوفي لك عقار مثلا ارض او شقة و بدون ما تقولي له لان ممكن يمنعك تشتري المهم شوفي لك عقار و اشتريه و خصصي قسط كبير من راتبك يروح للعقار و حطيه امام الامر الواقع و الباقي من راتبك جزء ادخريه و جزء اصرفيه على نفسك و حطيه امام الامر الواقع

قولي له ساعد اهلك براحتك بس اول شي تلبي كل طلبات بيتك