ووش رايكم بكل هالتعقيدات ..
سؤال اتمنى الاجابه بكل صراحه ...
هل المراه اخذت حقوقها كما اعطاها الاسلام والا لا ..
من وظايف من بيوت ... الخ
سؤال وش المطلوب من المراه في الاسلام .. وضحولي معنى الاسلام يوم طلب منها ان تقر بالبيت ..
وان لاتتبرج تبرج الجاهليه ولاتخضع بالقول ولاتتعطر
ابغا وحده عاقله ترد على موضوعي .. وش للمراه المسلمه ووش عليها
هل اعطاها حقوقها او لا .. ولاتعقيدات
هل بهالزمن استعبدن النساء
الضرب والقهر وخيانه زوج وظلم الاهل وتعدي المجتمع
من يحمي هذه المراه
شاركي في النقاش
سجلي الدخول لإضافة تعليق.
التعليقات
5- الله الي خلقها هو اعلم بحالها
والحمد لله على كل حال
طول ما انتي بصحه وعافية ايش تبغين بهدنيا غير العمل الصالح والذريه الصالحة - اختي الحمدلله على نعمه
بس اذ تكلمنا عن حقوقنا صارت مشكله .. هل حرم الله علينا معرفه حقوقنا واذتكلمنا زال عنا صحه والعافيه
ترى حتى صحتنا وعافيتنا بتروح باهمال معرفه حقوقهم فلاحد يوديها ويعالجها ولاعندها فلس تتعالج
وين العمار بالارض - حتى المتحدثه عن الخريجات القديماات انسحبت للابد
وحافز شارف على الانتهاء
ووظايف مافيه وتعقيد وواسطات في كل شي
الحمدلله اولا واخرا.... ووظائف الاختلاط ماراح نتوظف فيها والرازق والمغني هو الله - تبون الحق؟
المرأه مظلومه بدرجه كبيره جداً .. المحاكم مليانه بلاوي للنساء
و البيوت مليانه عاطلات
وحتى المتوظفه إستغلال من السواقين والأزواج والجنس الذكوري
غير نسبة العنوسه الكبيره
وحتى المتزوجات خيانات والمقوله الشهيره الشرع حلل اربع
والمجتمع مايرحم الأنثى
مسلوبه حقوقنا بشكل كبير جداً ..وحتى اصواتنا ؟ ويكفينا عظة ماحدث لـ نوره العتيبي المتحدثه
كافحت كثيرا واسئل الله يسعدها ويوفقها
نحتاج الكثير من الزمن حتى نحصل ربع ماحصلن عليه بنات الدول الأخرى على الأقل في الخليج!!! - نسيتي لقاءات ودروب والسعودة ومكافئة جدية عن العمل وكلها تحسين متاهه
المراة ظلمت بالقانون
تعامل كقاصر مدى الحياة تحتاج لذكر متفرغ مثل ظلها
وحياتها مهددة العملية والاجتماعية في الحقيقة في جميع مجال الحياة مهددة
حياتها مرتبطة بعقلية الذكور في حياتها
كمثال قضية حنان الشهري
لافيه وظائف حكومية على الاقل تغطي شوي ولا حتى راتب حافز موقت لو فيه فعلا حل للعطالة كان يستمر الى الحصول على وظائف الحكومي
ومع وظائف الخاص وقلة رواتبهم نص الراتب بيروح على السائق وانتي وحظك ممكن يطلع تمام وممكن العكس
السواقة لاهم وفرونا مواصلات ولاخلونا نسوق
بالنسبة للمتوظفة اللي تعطي راتبها لاخ او اب او زوج هي مجبرة لانه يحق لولي الامر فصلها متى ماراد وبدون اي سبب اللي شخصيتها ضعيفة بتروح فيها
الوحدة تحاول تتعايش وتوفر لها وظيفة باقل الفرص ولا تتشرط هذا حالنا وراح يستمر لكذا سنة والشاطرة اللي تستغل الفرص املنا بالوظائف الحكومية وشكلها مطولة
ودول الخليج مو بس في توفر الوظائف الفرق بينا وبينا قرون لو تشوفين في مواقع التواصل الاجتماعي ومقارنة بسيطة بين المراة هنا وهناك
مواضيع مشابهة
تابعي تجارب أخرى من هذا القسم.