الخدامة بلوى!

السلام عليكم

سبحان الله بقدر مالشغالة راحة جسدية بقدر ماهي هم وتعب نفسي!

ما أدري ليش اللي عندهم شغاله يحسون بقلق أنا ما أدري حنا بس أم الجميع كذا

أنا مرتاحة على شغالة الساعة إذا تراكم الشغل ناديتها

كنت بداية زواجي موظفة ولا احتجت شغالة مع إن زوجي راعي قهاوي يعني يجينا كل أسبوع ثلاث أربع مرات ضيوف وكنت مستغنية

وحتى لما جاني ولدي الكبير الله يحفظه ما كنت أحتاجها مع أني أتعب من تنظيف الغبار خاصه والمواعين والملابس !

بس اللحين أفكر بشالغة وأكثر اللي حولي يقولن اعتمدي على اللي بالساعة الشغالة تعب نفسي وخوف وقلق حتى لو البيت عايله كثيرة !

ايش السبب ! وهل لو أجيب شغالة قديمة في البلد يفرق عن اللي توها داخله البلد !

23 تعليق 3,740 مشاهدة

شاركي في النقاش

سجلي الدخول لإضافة تعليق.

التعليقات

23
  1. @dhn_aloord

    ولله انك صادقه يجيبن الهم ولقلق في البيت بس نصيحة إذ ماتعودتي علي الشغالة لاتجبينها ريحي رأسك من هم الشغالات
  2. @alshtaaa3

    الله لا يحوجنا لهم ولا غيرهم

    واللي تبغى الراحة النفسية والسعادة والحرية لا تدخل خادمة بيتها



    اللهم أعنا ع ذكرك وشكرك وحسن عبادتك
  3. @khzam_2011

    والله اني اكرههم واخاف منهم ومن شرهم ولا آمن على نفسي وعيالي وزوجي منهم لكن وش الحل مضطره اقدم لاني بانتقل للاسف لبيت كبير وعيالي صغار ما يعتمد عليهم
    من كثر ما اسمع و اقرا من جرايمهم صار عندي فوبيا منهم كلهم
    ياربي تغنينا عنهم وتكفينا شرهم يا حي يا قيوم
  4. والله رمي الكيس وعلبة الببسي على الأرض مايضرك 
    ولا زوجك واولادك لكن تدخلين حرمه غريبه غيره وحسد والأخير انتقام شغالتي أولا بفضل الله ورحمته
    كادت تقتل ولدي أبو سنتين وهربت اثيوبيه ألله لا يوفقها
  5. @ryhan_ofl

    فارسة السلام
    والله رمي الكيس وعلبة الببسي على الأرض مايضرك  ولا زوجك واولادك لكن تدخلين حرمه غريبه غيره وحسد والأخير انتقام شغالتي أولا بفضل الله ورحمته كادت تقتل ولدي أبو سنتين وهربت اثيوبيه ألله لا يوفقها
    كلامك صحيح وجود الشغاله بالبيت يسبب لك قلق انسانه غريبه عنك ماتعرفينها ولاتعرفين كيف اخلاقها وانا وحده من الناس اللي عانيت مع الشغالات. لكن في حالات غصب عنك تجيبين شغاله اعطيك مثال على نفسي انا من الحريم من يوم احمل اكمل شهر والين اولد وانا اتوحم يعني وحمي مو ثلاث شهور مثل الاغلبيه يعني فترة حملي اسوء فترات حياتي اتخيلي تسع شهور لا اقدر اطبخ ولا اشتغل عشان كدا اضطر اجيب شغاله تقابلني. من يوم اخلص الاربعين اجيب وحده تشتغل باليوميه وتمشي. وكمان الموظفه واللي عندها اطفال صغار تحتاج الشغاله. اتوقع الناس اللي مستغنين عن الشغاله يكون عندها عيال كبار يشيلون مسؤلية نفسهم

تابعي تجارب أخرى من هذا القسم.