صارت عاده وانا ساكته وساده فمي

يقولي عيب تطنشينهم وتنامين معي بالغرفه
وبخصوص انه نسافر سوا مع اهله
واسحب نفسي واطلع معه الوحدي هذي مستحيله
والله مره قلتله وش وايك تطلعنا كوفي انا وانت واختك قالي مستحيل تبين ابوي يزعل يقول ليش
سحبتو علي
اهله من النوع اللي يتحسسون جدا
ولو رحت مع زوجي الحالنا بيزعلون ونظامهم مسافرين سوا لازم
طلعاتنا تكون سوا واكلنا سوا ومشاويرنا سوا
ماعندهم نظام كل واحد الحاله لو حتى طلعنا ساعه
ومره طلعنا سوق مع ام زوجي واخت زوجي وماجلسنا غير نص ساعه الا ويبدا زوجي يدق علينا
وينكم ابوي الحاله وزعلان ليش تركتوه قلتله جيبه يتمشى معنا السوق
قال انتي صاحيه هو مايطيق الاسواق تعالو اجلسو معاه يالله انا بمركم
يعني مستحيل يطلعني الحالي انسو الحين مستكثر نكون انا وياه بغرفه الحالنا
تبونه يمشيني الوحدي كم ساعه
الله يهديه لو ياخذ اهله وبلاها يسحبني معهم والله انا راضيه اجلس بديرتي ماعندي مشكله
كرهني بالسفر والله اذا جت عطله مغصني قلبي وضاق صدري

مافيه شي اسمه مستحيل ، فيه شي اسمه اتفاق ورضى

امسكي العصى من النص سافري مع اهل زوجك بشرط انك انت وياه بغرفه لوحدكم وانك تطلعين انت وياه طلعات لوحدكم مره مطعم ومره سوق وهكذا

واذا عارض ارفضي تسافرين ، وخله يسفرهم وبعدها يرجع يسفرك بكذا تعلمينه ان ماقصدك تكرهين اهلك لكن تبين نوع من الخصوصيه ويا بيرضي ويمشي الحال يا بيسفرك بعدين وهذا اللي تبين وبكلا الحالتين انت مستفيده

سدي افمك وسافرو جميع ولا اقعدي عند اهلك تزوجت وابلشت العالم من جا هو فقع من الارض طلع من اهل اخوان واب وام لهم حق حريم هالوقت لو متزوج واخذكن معه وش تقولين تنطمين اكيد 

والله شوفي

كثير مثل حالتك

وحده تسافر مع أهل زوجها لمده شهر وتنام مع اخواته وهو اخوانه

وجلست 10 سنوات كل عبد تنام مع اخواته وهو مع اخوانه لان عيدهم بمنطقه ثانيه لازم سفر ويقول

مستحيل اسكن لحالي واهلي لحالهم

لا تحاولين تقنعينه تناموا جميع لأن حتى لو نمتوا جميع مزاجه حيقلب عليك ويصير مكشر

لا تأخذين بالنصائح اللي قالوها البنات لأن الرجال يختلفون عن بعض

بعض الرجال لو تقولي له مصلحه لك مفاجاه بقول خليها بالبيت اذا رجعنا

وبعض الرجال بسرعه يقتنع ويفرح ويأخذ غرفه لحالكم

وبعدين احتسبي الأجر إن هذا بر بالاهل وبإذن الله ربي ما بضيع الإحسان وتشوفبنه مستقبلا

الله يعينك هذا حالته صعبة وعقليته رجعية مثل زوجي
مرة استأجر لنا شاليه وعزم أخوه واقترح انه وأخوه ينامون
مع بعض واحنا الحريم مع بعض قومت الدنيا وماقعدتها
من الأول بس أخذت الموضوع بمزح وخاصة أن زوجي
يحب المزح الثقيل وبعد مارفضت قلت إلا إذا فيك انت
واخوك شذوذ هذا شي ثاني سلامات سرير متصل وتنام
مع اخوك وأجلس اضحك واتريق وألمح وفي الأخير ماعاد
جاب طاري أبد.
والآن كان واعدني بسفرة وضبطت وضعي وشوي طلع
أخوه في البخت ويبغى يسافر معاه وقلت روح لكن
والله ماسامحك وتعطيني مبلغ السفرة كلها في يدي
وخلاص روح وزعلت عليه وسبحان الله حتى في دوامه
ما عطوه إجازة عشان نيتهم السيئة يتمشون واحنا حابسينا
مع عيالهم.