حسبي الله ونعم الوكيل علي اختي الكبيرة شنو سوت من وراي

الله يعين نفس الشي مع اختي الكبيرة ذبحها الحسد والكره لاننا كلنا تزوجنا وجبنا عيال وهي لا اااه بس كل يوم تسلط امي علينا وامي ماتنقرب تعاملنا ماكانا بناتها عادي تفضحنا وتختلق سوالف لازواجنا ااااه بس يارب استودعتك حياتي وزوجي وبيتي وبنتي ومن اردنا بسوء يارب اشغله بنفسه واجعل تدبيره تدميرا له 

انا من يوم صارت السالفة وانا ما أكلم ولا وحده من خواتي لأنهن ما يستاهلن وسوالفي صارت كلها مع زوجات اخواني وبناتهم وخواتي مع بناتهم انقهرن مني لأَنِّي محتقرتهم ولا كأنهم موجودين عندنا ما اقدر أنسى موقف اختي الكبيرة يوم اعزمتهم بيتها وانا ما ادري يوم دريت انصدمت هذا اخر شي والله أني اتوقعه توصل بأختي الكبيرة الخباثة والنجاسه ولا تبلغني حسبي الله ونعم الوكيل عليها مثل ما فرقت بينا وانا اليوم غيرت خط جوالي ومسحت القديم ومسحت كل ارقام جوالات خواتي خلاص الدنيا ما فيها أمان اذا الأخت من وراى اختها تخطط وتفتن صرنا يوم الجمعه مو خوات اقسم بالله صرنا عدوات بيت واحد ومن ام وحده ولا نتكلم مع بعض والسبب هي الكبيره ما راح اسامحها ولا انسي موقفها الله يخلي بنات اخوي يبن نفس الناس اللي عندهم عمات طيبات يفتخرن فيهن مو قطيعة رحم حسبي الله ونعم الوكيل على من فرق بينا

يا بنت الحلال صحيح تزعل انها ما تبلغك بعزيمتها 
لو انها داريه انك مو جايه الاصول اصول 
تبلغك وانتي حره بتجين والا لا ،
ومن جد مالها داعي تفرض كلامها عليكم 
ما تبي تروح لبيت اخوك كيفها وش عليها من اللي بيروح !!
كبري راسك وعدي الموضوع وان شفتي عليها حركات عطيها في الوجة او مزحه برزحه
بس ما تتحسبي عليها تضاوا اخوات 

تكفوووون بنات ابي ردود اكثر للحين فيني حره علي الكبيره وكل يوم ادعي عليها أبدا ما كنت متوقعه ان يجي يوم والكبيرة تفر رووسهن وتعزمهم من وراي بهاللحظه تمنيت ما عندي خوات ياليت يدور الزمن أبقى بس انا عند أمي
والله لما اشوف أمي ماعندها خوات أقول أحسن لها هذا انا لي والله ومو حاسه فيهن ما شفت نفع منهن ياليت أني وحيدة أمي صح البنات إكبر هم وخاصه اذا كثر عددهن
يارب اشلون أنسى موقفهم لي ونغزات الكبيره لي انا انجرحت وصعب أنسى
والله عمري ما أذيتهم ودور رضاهم مو مصدقه اللي صار
يارب ارزقني بالزواج الصالح يارب افرجها علي