~~ملف العمل بالاسباب لانجاب الاشبال تباشير فرح وتجارب ناجحة~~

هلا سومه وسحر
الله يهون عليك بس لاتنتظري الولاده وتفكرين اشغلي نفسك وهي تجي 😊
والحمدلله الوحم خفيف جدا وتقريبا اختفى وامس دخلت الاسبوع 14 وبنتظر اسبوعين واروح اسوي سونار وببشركم هنا انتظروني ☺️
وتخيلو مره وحده باركت لي بالحمل وقالت ان شاء الله ولد وقلت اامين وبعدين قلت كل شي من الله حلو ولد وبنت كلهم نعمه من الله وردت علي وقالت بس الرجال يبون عيال 😐
طيب انا قلت شي غلط علشان تقول لي كذا وبعدين طنشتها بس الصراحه كرهتها مدري يابنات انا حساسه ولا كلمتها عاديه 😑.

صباح الخيرات
كب كيك أن شاء الله تبشرينا وأنا بنهايه شهر صفر وبداية شهر ربيع كنت في الحرم وكنت أفكر من اللي طالب من دعوه حتى ما أنسى أحد وخطرتي على بالي ودعيتلك ودعيت البنات التجمع بس ذاك الوقت مدري كنتي حامل أو لا .. أسال الله ان يرزقنا ما نتمنى يارب ..

أخباري خبصت وحست ما عملت حميه مضبوطه . وتحريت للأباضه من دون متابعه عند دكتوره واستعملت ماء وملح كغسول ..

ميان وسومه وسحر وكل الحوامل الله يهون عليكم ..

ياصباح النور🌹
الله يجزاك خير على دعوتك اسعدتيني والله واخر دوره لي 8 صفر واتوقع كنت حامل وقت دعوتك الله يتقبل منك ويعطيك حتى يرضيك يارب وتذكرت يوم رحت للحرم ودعيت للبنات وكانت فيه عضوه هنا تقول من دعيتي حسيت ان ربي بيستجيب دعواتك وماشاء الله انا دعيت برمضان رحت عمره وهي حملت برمضان وماشاء الله حامل بولد الله يبارك لها فيه ويازين دعواتنا لبعض وابواب السماء مفتوحه وربي قريب يجيب دعوه الداعي والله يرزقنا جميعا اللهم ااااامين .
ويارب يازهره تبشرينا بحملك بالذكر الصالح ياارب.