عانيت في حياتي اكثير
لمن كنت على ذمت زوجي الكل كان يصبرني تحملي بس بعد الطلاق للاسف حتى اقرب الناس لي تشمتو فيني برايهم تستاهلين محد قالج تصبرين كأن الكل صار يعرف الغيب على غفله ويتفلسفون فوق راسي
صج الطلاق يكسر ظهر المرا بين حزن وخوف من شماتت الناس فيها
الناس ماتخلي احد في حاله الكل تشمت بطلاقي
الله عالم بحالنا
شاركي في النقاش
سجلي الدخول لإضافة تعليق.
التعليقات
6- الله يصبرك حبيبتي ويعوضك خير
نصيحة مني مجربة قلبك لا تلتفتين ميوووشة الله يصبرك حبيبتي ويعوضك خير نصيحة مني مجربة قلبك لا تلتفتين
سوري الايباد ما ادري وش قصته
عموما خلي اخر همك كلام الناس ومن هنا يكون الانطلاق لحياة أفضل بإذن الله
من تجربة صارت لي اقرب الناس لي صارت تخاف مني أني أخذ زوجها اذا تكلمت قالوا قليلة أدب المفروض تسكتين ولا تسولفين في مواضيع الزواج طيب أنا كنت متزوجة والرد طبعا كنتي متزوجة الحين عيب تتكلمين في هالامور
اي شي تسوينه الكل عينه عليك مثل المجهر في بداية طلاقي تعبت نفسيا وفي الأخير جلست أكلم نفسي لما كنت متزوجة محد درا عن حياتي شي لا تعبي لا نفسيتي لا مشاكلي ولا شي من اليوم ورايح أسوي كل شي ابيه دامه ما يغضب الله جلست 8 سنوات وانا مطلقه وكثير تقدموا وقتها بس رفضت لأن اغلب الي يتقدمون يبون يأدبون زوجاتهم وبعدين أكون ضحية مره ثانية مع الدعاء والاستغفار رزقني ربي بشخص حنون عوضني تعب الماضي كله الحمدلله من قبل ومن بعد ورزقني ربي طفلين بسمة حياتي
فالي أقصده من كلامي عيشي حياتك بالشيء الي يناسبك وبس وما عليك من احد واهم شي الدعاء والله يرزقك ويعوضك بالشخص الي يخافه فيك ويتقيه- ياقلبي ليش ينكبون على وجوههم يوم القيامه الا من السنتهم
طز فيهم والطلاق حلال وبيصير في الوقت اللي ربنا اراده
روحي واشتغلي وعيشي حياتك وخلي الفاضيين اللي يبربرون ياخذون اثم ماتدرين يمكن ترجع في بنانتهم
الحياه ما توقفت - بالعكس المطلقه هي نفسها تتخيل اشياء وتصير حساسه بزياده وهذا طبع بالبشر وخاصه النساء
انا متزوجه وكثير مثلي ونظرتي للمطلقه مافيها كل هالكلام اللي ينقال وينذكر ولاشفت وحده مطلقه احد يعاملها بهالطريقه اللي بعضهم الله يهديهم تلاقيها هي تجيب الكلام لنفسها
تعرفت على وحده ملكة جمال بس مطلقه ومره حبيتها ولافكرت ابدا بسالفة تاخذ زوجي او تسرقه قمة التخلف هالتفكير
عمري 29 سنه ماعمري سمعت جملة هذي مطلقه بعدوا عنها او قليلة ادب الا مثل ماقلت الا هي فعلا بلا اخلاق وهذي مو بس
المطلقه تصير حتى للمتزوجات او البنات ..
الزواج والطلاق والعنوسه كلها بيد رب العالمين محد احسن من احد وغالبا الطلاق يكون خيره وابرك من رجل فاقد معنى الرجوله
المطلوب من المطلقه انها ماتصير حساسه وتعيش حياتها بالطريقه الصح وعادي تكون صداقات مع متزوجات وغيرهم
الدنيا تغيرت والناس صار عندهم ثقافه بهالمواضيع - فعلا..كلامك من ذهب ياخت دونات
انا مطلقة بس الحمدالله ماعمري حسيت ان الطلاق نقص من قدري عن بنات جنسي ابدا
تدرين ليش..وبفضل الله المحافظة على قراءة القران كلل يوم والاذكار والدعاء واذا سمعت شي من الناس وزعلت على طول رحت سجادتي وصليت وبكيت واشتكيت عند مليك السماوات والارض وربي بعدها اقوم وانا رااضية يارب لك الحمد
كل اللي تشعرين به ناتج عن حالة نفسية تمرين فيها نتيجة الطلاق ومهما قلنا ونصحنا ماراح تشفين الا بالالتجاء لركن الله الشديد
مواضيع مشابهة
تابعي تجارب أخرى من هذا القسم.