السلام عليكم ورحمة الله وبركاته
وصبحكن ربي بالخير والبركة
طفرانه , رهف 3030 , الغلا , بنت الشيخة :
الله يبارك فيكم ويسعدكم وأنتو ما قصرتو معاية
النعيمية : الله يسلمج , الحمد لله عن نفسي يمكن أعرف أغلب الأماكن للخيايط إلا هذيلا اللي في المسعودي ما أعرف أصابا عليهن :22:
ohlala: مشكوره الغالية أفكارج حلوه بهديها إن شاء الله
بنت الشيخة وأم رغد : بالنسبة للكاميرا طلعت عيني تعالن بخبركن شو صارلي رحت كارفور وعند قسم الكاميرات وايد عروض صدقها انسانه لما تقول يغرونك وطلبت السوني t7 وطلعلي وحده يديه من كانون بــــ 1180 مع طابعه أونه عرض وقارنةبينهن أوني مسويه فيها ما يحتاي والفرق السعر بـــ بسيط وشكلها عادي وبعدين الكانون ما تي رخيصه بهالطريقة فقلت جديمه ولما رجعت البيت أدور عنها في النت ما حصلت لها شي يتكلم عنها وبعدين والفرق أن السوني خفيفة وأخوي موصيني عليهن وغير عن هذا سهلة الاستخدام واللبناني العامل هناك حاشرني بالكانون يبا يصرفها وخذت السوني وأنا متردده وكل ساعه أقول لريلي بردها بردها يقولي توكلي ع الله ولما وصلت البيت اتصلت ع ربيعتي من أهل بوظبي بردت فوادي وقالت الكانون دقيقة ومناسبة للمحترفين في الاستخدام والسوني أفضلج وخبرتني شو أسوي كضبط يرتبلي الكاميرا والحمد لله
بنت الشيخة : بالنسبة لهدية أمج أنا أشوف تاخذيلها قطع من المناصير وتفصلينهن ناعمات جلاليب أو روحي الرياحين اللي يبيع جلابيات وايد حلوات ومنهن اللندني ما قوم هريس وايد حلو وقطعهن باردات وعنده شيل غاويه وعنده سراويل دانتيل وإذا بغيتي دق شوفي محلات مسفر اللي في سيد سوق الحظ وأنا أشوف روحي شوفي هي شو ناقصنها وخذيلها أو خلينا نتريا علب الغلا
الغلا : نتريا هداياج , حبيبتي بالنسبة للكاميرا مواصفاتها حلوة ومناسبة لكن ما فيها مواصفات احترافية كاملة مثل اللومكس اللي سعرها بـــ 3000
تصويرها واضح ومثل الطبيعة ومب مبالغ فيه مثل كانون يعني واضحه
شاشتها كبيرة وحلو شكلها للتصوير
فيها تصوير ثابت وتصوير فيديو
تقدرين تغيرين حجم الصورة ع راحتج
وأحس في مسألة الاهتزاز يعتمد عليج في تثبيت الصورة هذا اللي قالته لي ربيعتي
وبخصوص سعرها بـــ 999 وبالنسبة لازم تاخذين لها ميموري بــــ 215
يعني كلها ع بعضها بـــ 1215 وع فكرة كانت آخر حبة
{{{ملف بنات العين اليديد ... نلتقي لنرتقي}}}
متابعة النقاش، صفحة 39