👼👶التجمع التاسع (9) لتبآشير ينآير وفبرآير 👶👼

مرره مازبط اللون طلع اللون بني باهت 😭😩😫 وياليت كله اتصبغ بس الجزء الي فوق والباقي عشان فيه باقي لون حنا ماتصبغ جلس احمر😭😭😭 وعووووووه مدري اش اسوي والله
بدال ما اكحلها عميتها😥
بالنسبه للحليب سيملاك افضل شي

ام اموووني
الله يهداك بس
كان رحتي لمشغل
تخاطرين بعمررررك وانتي بتطلعين اربعين😁😁😁


انا الحمدلله صبغت وخلصت اشغالي😌😌😌
الله يجملنا ويجملكم ياحبيباتي

انا حليب البيبي
بريمم كير

مرررررحبا بنات شخباركم رجعت بعد انقطاع من رحت لشقتي وانا في عالم ثاني تعب تعب بيبي والطفل اللي اكبر منه قسم بالله بنتي شيبت راسي تعبها اكثر من البيبي غيره وعناد وجالسه اعلمها ع الحمام بعد طول اليوم وانا على رجل وحده ما اجلس هذا وانا عندي ثنين شلون لو خمسه سته 😩😩😩 آه ياربي صبرني ولا تضيع لي تعب 😔

بنات بكتب لكم قصة ولادتي لو انها متأخره بس والله مافضيت والحين لي اسبوع مخلصه نفاس وتوني حسيت اني رتبت وقتي وقدرت ادخل التجمع.. قصتي قصتين مو قصه وحده هههههههه اول شي قصة مين يولدني بعدين قصة ولادتي
ياحلوات قبل ولادتي بيوم رحت لدكتورتي اللي اراجع عندها لاني ارتاح لكلامها عكس اللي بولد عندها احسها ماديه شوي المهم رحت لدكتورتي وانا باقيلي 3 ايام واخلص التاسع المهم كشفت على وقالت فاتح الرحم 2 واستانست لانه ماكان فاتح اول مره وقالت ان شاءالله تولدين اليوم بس امشي وطلعت من المستشفى على الممشى ومشيت لين قرب اذان المغرب ورجعت لبيتي ورتبت بيتي واخذت لي دش وزوجي قالي خلينا نروح لدكتوره اللي بتولدني وتشوف فتح زياده او لا ورحت لها قاست لقته نفسه 2 قالت بنعطيك طلق صناعي لان مامعي اي الم قالت تبين تروحين لسعودي البريطاني بعطونك هناك واذا وصل 5سانتي يدقون علي اجيك او تاخذين عندي بعدين قالت خليك عندي احسن وعطتني الطلق عندها وماكملت نص ساعه الا شالت عني الطلق وقالت خلاص روحي للبيت عشان انتهاء وقت دوامها اقهرتني بتصرفها وطول الوقت تقولي تبين اولدك عمليه يالله امشي الحين وانا والده اثنين الحمدالله كلهم طبيعي ووضعي طبيعي مايحتاج عمليه وطلعت وانا خايفه منها وزوجي عصب منها حسيت تبي تسوي لي عمليه وبس واخذت مني فلوس الطلق وهي ماكملته لي ولا اخذ مفعوله يعني دفعت فلوس على الفاضي المهم رجعت لبيتي وانا ضايقه فيني الدنيا حتى عجزت انام وادعي ربي ييسر علي ومشيت في بيتي اي صح وشربت خلطة قمم مرتين بس وعسل مع حليب وزعفران من دخلت التاسع وانا اشربها..
ويوم اذن الفجر صليت وجلست امشي واكل تمر وشربت خروع مع عصير برتقال" وكنت سأله دكتورتي اللي بولد عندها يخلي الجنين يتبرز قالت وش دخل الجنين انتي اللي بتشربينه مو هو"
المهم شربته مع عصير برتقال ورحت بنام وحسيت بشي حار مسكني مع بطني وظهري وبسرعه راح وطنشته قلت اكيد طلق كاذب وبعد ربع ساعه جاتني وحده ثانيه وطنشت لاني من بدايه التاسع وانا معي الالم وتغصبت النوم لين نمت وقمت الساعه12 الظهر على طلقه قويه قومتني من النوم وقمت مفزوعه وجلست على السرير والا احس شي ينزل مني ويوم وقفت وتنكب علي المويه وخفت صراحه لانها اول مره تنكب علي في البيت وبسرعه دقيت على دكتورتي قالت يالله تعالي لي وادق على زوجي قال يتأخر عليك لان دوامه بعيد عن البيت مره وكلم اخوي وجاء الله يجزاه خير ورحنا نودي بناتي عند اختي وتخيلوا وانا بالطريق الا دكتورتي دقت علي قالت تأخرتي علي ودوامي انتهاء ترى برجع للبيت قلت لها انا جايه بالطريق وبصراحه اخوي عصب يقول كيف تقول بتروح للبيت وهي عارفه انها عندها حالة ولاده المهم رحت لها وكشفت وقالت باقي 2 ماتغير والجنين متبرز في بطنك وخفت وكتب لي ادويه وقالت اشتريها من صيدليتنا وروحي للمستشفى واذا فتح 5 يكلموني او تبين عمليه اروح معاكي الحين واولدك عمليه هي بس تدور حول العمليه ..كلمت زوجي وقلتله كلامها قال طنشيه وامشي نروح لقوى الامن نشوف ايش يقولوا ورحت لقوى الامن قالوا الجنين السوائل عنده قليله وماراح نستقبك لانك ماراجعتي عندنا وعطوني تحويل لكذا مستشفى حكومي وقلت لزوجي خلاص ودني السعودي البريطاني هم يولدوني ماابي دكتورتي وزوجي كمان مايبيها ورحت لهم يازينهم يفتحون النفس صراحه وكشفت علي الدكتوره سمر الله يسعدها قالت مفتوح 3 والجنين متبرز ونادت زوجي وقالت الوضع خطير وحنا اهم ماعلينا صحة الام والجنين وبنحاول فيها طبيعي وبنعطيها اشياء تفتح الرحم بسرعه بس لو تخطيط قلب الجنين ماصار كويس نحولها قيصري قال زوجي خلاص  وطلعوني غرفة الولاده كاننوا حنونين بالمره الله يجزاهم خير ..ويوم جات 4 العصر الا دكتورتي تدق عليهم وتسألهم اذا انا عندهم قالوا ايه قالت خلاص انا جايه اولدها قالوا لها ماقال لنا زوجها انك بتولدينها   قالت الا انا بولدها وانا جايه بالطريق وراحوا كلموا زوجي قالهم زوجي ماابيها تولد زوجتي ودقت على زوجي وتهاوشت معاه والمستشفى تهاوش معاها قالوا مايبغونك وهي الا انا بولدها المهم مادريت الا هي داخله علي انا وضعي يحزن هم يتهاوشون وانا تعبانه هي خافت وقالت خلاص بولدك طبيعي ان شاءالله وماقصرت معي صراحه هواش زوجي خوفها..هنا انتهينا من قصة مين يولدني نجي لقصه ولادتي هههههههههههههه
طلعوني غرفة الولاده وعطوني لبس الولاده😢 ولبسته وعطوني حقنه شرجيه وبعدها عطوني طلق صناعي وابره تفتح الرحم بسرعه لانهم خايفين على الجنين ويوم فتح 5 سانتي قالوا لي ادفعي لان الجنين بعيد مره وتخيلوا ادفع من كل طلقه يوم جاء 10 سانتي مامعي حيل لدفع قلت خلاص مااقدر وهم يصارخون لا ادفعي نشوف شعره وادفع بس خلاص حيلي رايح ويجون ثنتين ويدفون بطني على تحت وطلع ولدي الحمدالله بس وبعدها نمت وماصحيت الا الدكتوره تبوس راسي وتقولي الحمدالله على السلامه قلت انا ولدت ماني مصدقه ههههههههههههه قالت ايه الحمدالله وجبتي ولد بس يوم طلع عطيناك ابره تنومك لين نخلص تنظيف وخياطه وبالفعل يوم قمت وانا نايمه على جنبي وخلوني بغرفة الولاده لين كملت ساعه وطلعوني لغرفتي..والحمدالله من قبل وبعد..ادري قلت لكم التفاصيل كلها ههههههههه لاني احب اقراء قصص الولاده بالتفاصيل مااحب المختصر