شاركي في النقاش

سجلي الدخول لإضافة تعليق.

التعليقات

951
  1. @am_gory_ogryr

    بنااااااات الله يسعد اللي ترد عليه انا اول مره اروح الامارات وبجلس اربعه ايااااااام الله يسعدكم ابغى جدوال للاماكن المناسبه تكفون ...............
  2. متى يكون وصولك اذا الظهر او الصباح ف مره حلو تقدري تستفيدي من اول يوم ورح اقولك جدولي حق السفر
    وشوفي الشي الي يناسبك وحطيه بجدولك والي مايناسبك لاتحطيه بالجدول

    انا كان وصولي الظهر الى دبي
    ف اول ماوصلت رحت الفندق ريحت وبعدين اتجهت الى الامارات مول عشان فندقي قريب منو
    واتغديت فيه تقريبآ على الساعه 4 العصر اتغديت وبعدين الساعه 5 رحت اسكاي دبي
    الي هي مكان الثلج الي بالمول ولعبنا وحللت الفلوس مزبوط من الساعه 5 الى الساعه 9 هههههههه وشفت البطاريق
    والاسعار تختلف اذا تبغي تشوفي البطريق وتلعبي جميع الالعاب ف الدخول للشخص 300 درهم صراحه غالي
    بس مره حلووو وكلفتنا انا وزوجي 600 درهم وبعد ماخلصنا لعب اتعشينا بنفس المول ورحنا الفندق ننام

    وثاني يوم الصباح رحنآ مدينه الالعاب المائيه الاكوافنتشر الي عند فندق اتلانتس تفتح الساعه 10 وقعدنا فيها من عشره الصباح الى 5 العصروبعدين رجعنا الفندق نمنا نرتاح شوي وصحينا الساعه 9 واتجهنا الى قرية البوم السياحيه عشان نحجز عشاء على السفينه
    واتعشينا وبعد ماخلصنا رجعنا الفندق ونمنا

    وثالث يوم صحينا الصباح ورحنآ على دبي مول وطلعنآ برج خليفه وحجزنا الطلوع للبرج من النت
    وصراحه طلوع البرج مافيه شي يحمس يعني بس تتفرجي على دبي من اعلى قمه لكن انا حبيت اخوض هذي التجربه
    لأني دام جيت دبي لازم اطلع البرج ^_^
    وبعدين اتغدينآ بدبي مول وبعد ماخصلنا رحنا اتفرجنا فلم بالسينما وبعدين اتمشينا شويه بالمول واتفرجنا على النافوره الراقصه
    واتعشينا بدبي مول وبعدين رحنا الفندق ننام

    ورابع يوم صحينا الصباح ورحنا حديقة الخور اتفجرنا على عرض الدلافين وكان العرض الساعه 11ص
    وبالحديقه كانت في كشكات صغيره لسينما 7D وحبيت اجربها وانبسط فيها واشترينا اسكريم من نفس الحديقه وقعدنا شويه بالحديقه
    وركبت حنطور بالحديقه وقعدت اتمشى فيها لانو كان نفسي اركب التلفريك الي بالحديقه بس كان فيه صيانه وبعد ماخلصنآ رحنا الحديقه المعجزه كلها ورد في ورد مره روعه وانبسط فيها وبعد ماخلصنآ
    رحنا على القريه العالميه واتعشينا فيها ولعبنا وبعد ماخلصنا خرجنا ورحنا كافي قريب من فندقنا وبعدين رحنا الفندق ننام

    خامس يوم رحنا الالعاب المائيه الوايلد وادي وصراحه الالعاب المائيه بااتلانتس احلى بكثير من وايلد وادي
    لكن حبيت اجرب وايلد وادي من باب الفضول وعشان دائمآ اشوف ناس تقارن بينهم لكن غيرنا جو واتغدينا فيها
    وبعد ماخلصنا رحنآ سوق شعبي نسيت اسمو واشترينا كم غرض وبعدين رحت دبي مول اتفرجت بالسينما فلم وبعد ماخصلنا
    رجعنا الفندق ننام

    وسادس يوم صحيت الصباح واتوجهنا للمطار عشان نرجع الى السعوديه


    واي وحده قرات جدولي وعجبها تحذف بخامس يوم الالعاب المائيه بالوايلد وادي وتضيف اي شي ثاني

    وفي حجات كتير مازرتها زي الباص العجيب و ممشى الجي بي ار و الكافي الثلجي بمجمع التايم سكوير
    وان شاء الله المره الجايه اذا زرت الامارات نفسي اروح عالم فيراري والالعاب المائيه ياس في ابو ظبي
  3. ام اصيل الحجازيه
    متى يكون وصولك اذا الظهر او الصباح ف مره حلو تقدري تستفيدي من اول يوم ورح اقولك جدولي حق السفر وشوفي الشي الي يناسبك وحطيه بجدولك والي مايناسبك لاتحطيه بالجدول انا كان وصولي الظهر الى دبي ف اول ماوصلت رحت الفندق ريحت وبعدين اتجهت الى الا…
    كم سعر الدخول الملاهي المائيه في اتلانتس

تابعي تجارب أخرى من هذا القسم.