بنات الانتساب ليه ما يدخلون اي مفاضلة ؟!

السلام عليكم ورحمة الله وبركاتة 

بنات ابغى استفسر منكم  انا انتساب تخصصي لغة عربية متخرجة من ثمان سنين تقريباً 

ما عمري دخلت ولا مفاضلة بجدارة واصلاً ماعندي  نقاط 

واخر تقديم هذا حق الاداريات قلت لعل وعسى يقبلون الانتساب ولكن زي كل مرة تحطيم 

يقولون لي لا يناسب مؤهلك العلمي ومدري وشو 

طيب ويش ذنبنا درست وتعبت وزينا زي المنتظمين لا بالعكس احنا نتعب اكثر لاننا محد يساعدنا كنت اشتري كل كتاب من جهة ولا مذكرات ولا تحديد ولا شيء واخر شيء تعبنا يضيع هدر العمر راح احس شهادتي مالها لازمة ليش ما يدخلون طالبات الانتساب بالمفاضلة من مثلي زي كذا كل ما قدمت ما يطلعلها شيء لا وكمان انا تربوي  وعلى كيفهم يغيرونه  غير تربوي ليه انا متخرجة من كلية اعداد المعلمات بكالوريوس تربوي وكل ما عدلت ملفي القاهم وقت التدقيق يرجعونه غير تربوي تعبت من جدارة هذا حسبي الله ونعم الوكيل فيهم اللي ابغى اعرفه يعني هم ما يقبلون الانتساب عشان ما عاد اقدم وارتاح ...

14 تعليق 3,110 مشاهدة

شاركي في النقاش

سجلي الدخول لإضافة تعليق.

التعليقات

14
  1. @am_gn_oghn_1

    انا انتساب وتطلع لي الوظائف بس احتمال لأنك تربويه عموما الله يرزقك ياقلبي وقدمي على التعليمي اذا فتح أن شاءالله يمكن يشملك
  2. @aml2014_2

    يمكن لان تخصصك لغة عربيه

    الانتساب تطلع لهم الوظائف الادارية عادي فقط التعليمي لا يمح لهم به
  3. @ampabcamp

    براءة الكاميليا
    التقديم هالفتره لغير التربوي شهادتك اكيد تربويه
    انت انتساب تربوية
    نوع الدرجة العلمية وش حاطة تربوي أكيد مايفتح معاك
    عدلي البيانات قدمي اعتراض يعدل نوع الدرجة العلمية من تربوي إلى غير تربوي راح يفتح معاك

    رجعت قريت كلامك تقولين عدلو لك معناته تفتح لك الوظائف الادارية :)
    طيب الغير تربويات والانتساب والتعليم عن بعد والدبلومات مالهم إلا الوظائف الإدارية
  4. @shmokh_alayman

    اولا:~ اسال الله العلي العظيم ان يرزقنا جميعا من واسع فضلة ولا يحوجنا الا له سبحانه....
    ثانيا:~ عزيزتي انا منتسبة مثلك دراسات اسلامية وبكلوريوس وتربوية لكن خذيها قاعدة ان المنتسبات ما ياخذون الا وظائف ادارية فقط والتعليمية للمنتظمات ومثل ماقلتي احنا يالمنتسبات مو كلنا بس الغالبية ما تساعدهم النقاط في التوظيف وخاصة اذا هم مشترطين نقاط معينه والحمدلله على كل حال..

تابعي تجارب أخرى من هذا القسم.