تقدم لي شاب منفصل ، وانا بكر 💜

السلام عليكم و رحمة الله وبركاته ،،
احتاج شوركم يالمتزوجات والأمهات بارك الله فيكم 💜
انا عمري 23 سنة وتقدم لي مسبقاً كثير بس كل واحد كان في سبب مقنع لرفضه ،،

عموماً تقدم لي شخص منفصل عمره 29 او 30 تقريباً .. 

وأمه ذكرت سبب الإنفصال : أن البنت ما حبت الولد ،،
و بعد ما رجعوا من شهر العسل راحت عندها اَهلها .. لمدة سنة 
وكان الولد يبي يطلق ، بس الأب قال لا ، بنقرأ عليها انتظر يمكن عين او شي ..
وبعد سنة تم الإنفصال ..
النقطة الأهم : ان طليقته توها بكر :) يعني ما دخل عليها .. 

عطيني شوركم ؟ من الزواج من منفصل لأسباب زي كذا ،.
عن نفسي احس مرتاحة ومتقبلة الأمر :) 

ابي رأيكم في فرق العمر ، وان هو واهله من سكان الشرقية وانا وأهلي من الرياض ؟ 🙋
يعني بنقل هناك ،، ولي عّم هناك ، وبنات عمي ثنتين متزوجات هناك ..

أبي شوركم حبيباتي 💜

38 تعليق 10,204 مشاهدة

شاركي في النقاش

سجلي الدخول لإضافة تعليق.

التعليقات

38
  1. @shhd_altrky

    صاحبة الموضوع
    بقولكم بعد : ان الام تقول البنت علاقتها معي زينة واتوقع تزورها وكذا ، يعني  انفصلوا بدون مشاكل مع الأهل وكذا 
  2. @aml_rghm_kl_shyaa

    إذا تقدرين تتواصلين مع البنت وتسألينها عن سبب الطلاق افضل

    طبيعي اي ام بتمدح ولدها !
    وقبل كل شيء استخيري والله يختار لك الخير
  3. @hhhyonh

    هلا اختي برايي تستخيرين وتتوكلين اذا شفتي الامور وقفت وماصار شئ فيه الخيره من الاستخاره واذا شفتي الامور مشت وصرتي ببيته فايضا هي الخيره?  استخيري وتوكلي وافقي وشوفي ان خير تم وان خير ماتم
  4. عادي انك تتزوجين منفصل بس تاكدي من سبب الانفصال من البنت نفسها اريح لك
    كل ام بتمدح ولدها شي طبيعي عندها ولدها احسن واحد
  5. @asaaayl_6

    نفس كلام اللي الخوات ضرووووري تعرفي الكلام اﻷكيد من البنت نفسها ﻷنه غريب وضعهم احس ان في سر ورا السالفه!!!

تابعي تجارب أخرى من هذا القسم.